Даваа гариг бүрийн 17 цагт Ерөнхий сайдын өрөөнд улс орны хэмжээнд өрнөж буй бүтээн байгуулалтын талаар салбар яамдын сайдууд“Бүтээн байгуулалтын цаг” уулзалтыг зохион явуулдаг байсан. Бүтээн байгуулалт өрнөж эхэлсэнтэй холбогдуулан иргэд, сэтгүүлчдийн зүгээс олон асуулт ирж байгаа тул ирэх долоо хоногоос тус  уулзалтыг олон нийтэд нээлттэйгээр зохион байгуулдаг болох гэнэ.  

       Энэ удаагийн уулзалтанд   Барилга, хот байгуулалтын сайд Ц.Баярсайхан, Эдийн засгийн хөгжлийн сайд Н.Батбаяр,Зам тээврийн сайд А.Гансүх, Эрчим хүчний сайд М.Сономпил, Нийслэлийн Засаг даргын орлогч Н.Гантөмөр болон бусад албаны хүмүүс оролцлоо.

Орон сууцны 8 хувийн хүүтэй зээл олгож эхэлснээс хойшхи долоо хоногийн хугацаанд 6136 иргэн өндөр хүүтэй зээлээс 8 хувийн хүүтэй ипотекийн зээлд  шилжиж зээлийн ачаалал нь нэг өрхөд 350 мянгаас 750 мянган төгрөгөөр хөнгөрч байгааг салбарын сайд мэдээллээ.  Мөн шинээр зээл авахаар хүссэн 83,9 тэрбум төгрөгийн зээлийн хүсэлтээс 6,2 тэрбум төгрөгийг 146 иргэнд олгожээ. Өнгөрсөн долоо хоногийндотор 100 мянган иргэн арилжааны банкуудаас ипотекийн зээлтэй холбоотой лавлагаа авсан байна.

          2013 оны  хувьд Чингис бондын санхүүжилтээр 200 тэрбум төгрөгийг шинээр барих орон сууцнуудын инженерийн шугам сүлжээ, гэр хорооллын дэд бүтцийн ажилд зарцуулах юм.  Энэ онднийтдээ56 ажил хийгдэхээс одоогийн байдлаар 7 ажил эхэлсэн  бөгөөд гэр хорооллын дахин төлөвлөлттэй холбоотой 35 бүтээн байгуулалтын ажил байгааг  сайд онцлов.

          Засгийн газрын 118-р тогтоолоор хэрэгжих “Шинэ бүтээн байгуулалт” хөтөлбөрийн хүрээнд зөвхөн инженерийн дэд бүтцийн хангамжинд 416 тэрбум төгрөгийн ажил хийгдэхээс 2013 онд  дээрхи 200 тэрбум төгрөгийн ажил эхэлж байгаа юм.   Санхүүжилтийг Хөгжлийн банк, Эдийн засгийн хөгжлийн яамнаас гаргаж байгаа бөгөөд энэ жил хийгдэхбүтээн байгуулалтын ажлууд  11 дүгээр сарын 1-нийдотор дуусна гэлээ.

       Энэ мэтчилэн улс орон даяар өрнөж байгаа бүтээн байгуулалтын ажлуудын явцын талаар олон нийтэд мэдээллийг  ил тод хүргэх үүднээс “Бүтээн байгуулалтын цаг” уулзалтыг даваа гараг бүрийн 15:00 цагт тогтмолзохион явуулахаар боллоо.

Үүнээс гадна олон нийт бүтээн байгуулалт, дэд бүтцийн ажлуудын явцыг www.dedbutets.mn, “Гудамж” төслийн явцыг www.gudamjtusul.mn сайтуудаар хянаж, санал шүүмжээ илгээх боломжтой юм байна.