“Шинэ бүтээн байгуулалт” хөтөлбөрийн хүрээнд Буянт-Ухаа хороололд барьж байгуулах инженерийн дэд бүтцийн ажлууд эхлээд байна.

 Өнгөрөгч долоо хоногт  “Дэд бүтэц” төслийн инженер, техникийн ажилчид Буянт-Ухаа орон сууцны хорооллын цэвэр усны эх үүсвэр V=2800 м³-ийн 2 усан сан, насос станц, цахилгаан хангамжийн барилга угсралтын ажлын улаан шугамыг  татжээ.

Инженерийн дэд бүтцийг байгуулах ажлыг гүйцэтгэхээр “Эс энд Эй трейд” ХХК болон “Байгууламж” ХХК-ийн түншлэл ажиллаж байгаа бөгөөд геодизийн хэмжилтийн ажлыг “Аглаг уул” ХХК гүйцэтгэж байна. Буянт-Ухаа хорооллын 10000 айлын орон сууцны цэвэр усны эх үүсвэрийн V=2800 м³-ийн 2 усан сан барьж байгуулахад 20 гүний худаг баригдах юм.