Яагаад чулуут өнгөлгөөний үйлдвэрлэлийг монгол оруулж ирэх болов? Үйлдвэрлэл нь хэзээнээс эхэлсэн бэ?

     Монгол улсынхаа хөгжил цэцэглэлтэнд өөрийн гэсэн хувь нэмрээ оруулая гэсэн бодолтойгоор бэлэн  бүтээгдэхүүнийг импортлох бус аль болох дотооддоо үйлдвэрлэж үндэсний үйлдвэрлэлээ дэмжих хөгжүүлэх зорилготойгоор оруулж ирсэн.

     Энэ үйлдвэрийг оруулж ирэхийн тулд 3 жил гаруй судалгаа хийсэн. Хамгийн гол нь манай үйлдвэр Солонгостой хамтарсан үйлдвэр биш, солонгосын технологиор монголдоо үйлдвэрлэж байгаа гэдгээрээ онцлогтой.  Зөвхөн чулуут өнгөлгөө төдийгүй гадна болон дотор хананы цавуу, шаврыг үйлдвэрлэж байгаа. Үйлдвэрлэл эхлээд сар гаруй хугацаа өнгөрч байгаа ч эрэлт хэрэгцээ ихтэй, хэрэглэгч олонтой болж байна. 

     Үйлдвэрлэлийн хүчин чадлын хувьд өдөрт хэдий хэмжээний чулуут өнгөлгөө гаргах вэ? Савлагааны хэмжээ нь ямар байдаг вэ?

     Үйлдвэр дээд хүчин чадлаараа өдөрт 10 цаг ажиллахад 600-700 сав чулуут өнгөлгөө гаргах хүчин чадалтай. Савлагаа нь 24 кг гарч байгаа ч ямар өнгө, пегминт холигдохоосоо шалтгаалан хэмжээ нь өөрчлөгддөг.

      Энэ  чулуут өнгөлгөөг төмөрнөөс бусад  бүх төрлийн  дотор болон гаднах гадаргуу дээр татаж, хэрэглэж болдог болдог давуу талтай. Мөн шинэ барилга төдийгүй хуучин барилгыг  сэргээн засварлахад ч хэрэглэх боломжтой.

Чулуут өнгөлгөөний үнийн хувьд ямар байна вэ?

     Импортоор оруулж  ирж байгаа бүтээгдэхүүн дээрх байдлаар савлагдсан 65,000-75,000 төгрөгийн хооронд байна. Харин манай үйлдвэрийн чулуут өнгөлгөөний үнэ нь 55,000 төгрөг байна. Гэхдээ төр засгаас үндэсний үйлдвэрлэлээ дэмжээд монголдоо байхгүй түүхий эдийг оруулж ирэхэд гаалийн татвар дээр хөнгөлөлт үзүүлвэл илүү хямд үнээр үйлдвэрлэх бүрэн боломжтой. 

Хэдэн төрлийн өнгө гаргах вэ?

Одоогоор 120 гаруй төрлийн өнгийг гаргах боломжтой. Цаашид өнгөний сонголтыг нэмэгдүүлэх боломж бий.

Нэг өнгийн чулуут өнгөлгөөний найрлаганд хэдэн төрлийн түүхий эд ордог вэ?

Ямар өнгийн  чулуут өнгөлгөө гаргах вэ гэхээсээ шалтгаалан 20 гаруй нэр төрлийн түүхий эд орж найруулдаг.

Үйлдвэрт ажиллаж байгаа мэргэжилтнүүдийн хувьд... ?

2 ажилчин маань Солонгост үйлдвэрлэл дээр нь 3 сарын хугацаатай ажиллаж, сургалтанд хамрагдаад ирсэн.

Чулуут өнгөлгөөний эдэлгээний чанар нь ямар байдаг юм бол? Нар салхинд гандаж, өнгөө алдах уу?

     Гадна талд л байгаа юм чинь өнгөө алдана гэсэн ойлголт манайханд байна. Яг стандартын дагуу үйлдвэрлэхэд гандалт маш бага. Гэхдээ монголын цаг уурын байдлаас шалтгаалан арзгар хэсгээр нь шороо тоос орж бохирддог. Энэ асуудлыг шийдэх чулуун өнгөлгөөний лакыг оруулж ирэхээр төлөвлөөд байна. Одоо судлагааныхаа шатандаа явж байна. Гэвч 2 сарын дараа гэхэд лакыг хэрэглэгчдэдээ нийлүүлэх боломжтой.

Импортоор орж ирж байгаа ижил нэр төрлийн бүтээгдэхүүнээс ялгарах онцлог давуу тал бий юу?

     Хамгийн гол нь дотооддоо үйлдвэрлэж байгаа тул бүтээгдэхүүний хувьд шинэ төдийгүй  хаана , хэзээ үйлдвэрлээд яаж орж ирсэн зэрэг нь тодорхой бус бүтээгдэхүүнээс хамаагүй давуу талтай бас өнгөний сонголт олон.  Ямар ч хэмжээний захиалгыг 1-2 өдрийн дотор бүрэн нийлүүлэх бололцоотойгоос гадна бүтээгдэхүүнээс дутлаа гэж бодоход дээж нь хадгалагдаж байгаа учраас нөхөж авахад өнгө зөрөх гэсэн асуудал гарахгүй.

     Монголдоо үйлдвэрлэж байгаа учраас эрс тэс цаг уурынхаа нөхцөл тохируулан нэмэлт хэрэглэж өөрчилсөн. Чулуут өнгөлгөөний хаталтын хугацааг 30-40 минут болгосон.

Үйлдвэрээс бүтээгдэхүүн гарах үе шат

Бэлтгэсэн: Г.Одгэрэл