Уул уурхайн яамнаас Түгээмэл тархацтай ашигт малтмалын тухай хуулийн төслийг Засгийн газарт танилцуулахад бэлэн болоод байна. 2010 оны зургадугаар сарын 17-ны өдөр УИХ-аас  “Ашигт малтмалын хайгуулын тусгай зөвшөөрөл шинээр олгохыг хориглох тухай”хуулийг баталснаас  хойш гурван жилийн хугацаанд ашигт малтмалын хайгуулын тусгай зөвшөөрөл шинээр олгоогүй билээ.
      Энэ хугацаанд хайгуулын тусгай зөвшөөрлийн тоо буурч ашиглалтын тусгай зөвшөөрлийн тоо өссөн нь зарим талаарсайн нөлөөтэй ч зам, барилга, дэд бүтцийн бүтээн байгуулалтын ажил эрчимжиж байгаа өнөө үед тэдгээр бүтээн байгуулалтад шаардлагатай элс, хайрганы хайгуул, олборлолтын ажил  ажил зогсонги байдалд орсон сөрөг үр дагаварыг авчирсан. Барилга, бүтээн байгуулалтад шаардлагатай түгээмэл тархацтай ашигт малтмалын олборлолт Улаанбаатар хотын ойролцоо Туул голын дагуу төвлөрч байгаа нь хотын хүн амын унд, ахуйн хэрэгцээний усан хангамж болон Туул голын экологийн орчинд тодорхой хэмжээний сөрөг нөлөө үзүүлсээр байгаа юм.
         Түгээмэл тархацтай ашигт малтмалын хайгуулын ажлыг эрчимжүүлэн нөөцийг тогтоон ашиглалтад оруулж,Засгийн газрын үйл ажиллагааны 2012-2016 оны мөрийн хөтөлбөрт тусгагдсан дэд бүтцийн болон бүтээн байгуулалтын арга хэмжээнүүдэд шаардлагатай түүхий эдээр хангах шаардлага зүй ёсоор тавигдаж байгаа билээ.
Энэхүү хуулийн төсөл түгээмэл тархацтай ашигт малтмалын хайгуул, ашиглалтын эрх зүйн бие даасан тусгайлсан орчингбүрдүүлж, элс хайрганы олборлолтын асуудлыг шийдэх юм “Ил тод уул уурхай” хэвлэлийн хурлын үеэр салбарын яамнаас  мэдээллээ.