Өмнө нь  санаанд ч орж байгаагүй гайхалтай шинэ санаанууд үнэндээ энгийн нэгэн зүйл байх нь олонтаа.  H2OG буюу борооны ус хуримтлуулах систем нь ус нөөцлөх арга, түүнийг хадгалах агуулах, хуримтуулагчийн үйлдвэрлэлд томоохон өөрчлөлтийг авчирсан байна. Суурилуулахад хялбар энэхүү системийг өргөжүүлж болохоос гадна дахин 100 хувь боловсруулах боломжтой юм.

     Борооны усыг хуримтлуулах энэ арга бараг л шинэ юм. Хэдэн арван жил ашиглаж ирсэн өмнөх арга нь хаалт, хоолойнууд, насос гэх мэт борооны усыг байшингийн дээд хэсэгт юм уу, доор байрлуулсан аварга том нөөцлүүр сав болох цистернд хүргэх нарийн төвөгтэй системээс бүрдэх бөгөөд тэрхүү усаа байшинд хүргэх шахуургууд гээд олон зүйлс шаардагдана. Уламжлалт энэхүү систем нь цогц хэдий ч үнэтэйгээс гадна суурилуулахад тийм ч хялбар биш байдаг.

      Та бүхэн өргөтгөх, дахин ашиглах, өөрөө угсарчихболомжтой, гайхалтай ур хийцтэйгээр  архитекторч, дизайнер Сэлли Домингуйзын бүтээсэн Rainwaterhog буюу борооны ус хуримтлуулагчтай танилцаарай.

   Rainwaterhog систем нь100 хувь дахин боловсруулах боломжтой, инчийн 4/1 хэрийн зузаан, хэт ягаан туяанаас хамгаалагдсан, хүнсэнд хэрэглэхэд зөвшөөрөгдсөн пластик 190 орчим литрийн багтаамжтай саваас бүрдэх бөгөөд бусад тоноглолд холбох ажлыг өөрөө л хийчих боломжтой. Борооны усыг хуримтлуулах савыг байшингийн аль ч хэсэгт байрлуулж болох агаад усыг шахах болон цахилгааны зардлыг бууруулж, нүсэр том тоноглолууд суурилуулан, өндөр өртөгтэй зардал гаргахаас зайлсхийхэд тусална.

     H2OG системийг дээврийн доод хэсэгт (дээврийн хэсгээс ирэх ус хананд бэхэлсэн саванд орохоор тохируулсан), эсвэл хашаа талдаа гэх мэт борооны усыг тосон хуримтлуулж болох хүссэн газартаа байрлуулна. H2OG цахим хуудсанд мэдээлснээр энэхүү систем нь есөн давуу талтай ажээ. Мэдээж үүнээс гадна энэ систем тун ч догь харагддагаараа онцлог.

      H2OG систем байхад борооны усыг хуримтлуулах, хэрэглэх асуудал тун энгийн. Түүнийг хийх, суурилуулах нь ч хялбархан. Нэмээд 190 литрийн багтаамжтай савыг хэдий хүссэн үедээ суурилуулах боломжтой. Борооны усыг тосон хуримтлуулах инчийн 4/1 хэмжээ буюу зургаан мм-ийн зузаантай савыг хэвтээгээр ч , босоогоор ч хүссэн газраа солин суурилуулж болох юм.

     Мэдээж борооны усыг сайтар цуглуулахын тулд сард орох борооны тоо, хэмжээ, сарын усны хэрэгцээгээ ч тооцоод хэт ягаан туяа, нарны гэрэл нэвтрэхээс хамгаалагдсан ус хуримтлуулах саваа сонгоорой.

      Борооны хуримтлагдсан усаа ариун цэврийн өрөөнд ашиглах боломжтой бөгөөд гадна хуримтлагдсан усыг байшин уруу оруулахын тулд нэмэлт хоолой суурилуулах шаардлагатай. Бидний зүгээс та бүхэнд шахуурга, ус дамжуулах хоолой, бусад нэмэлт тоноглолуудыг сонгоход тань туслахдаа баяртай байх болно.

      Энэ системийг тарьсан ногоогоо услах, цэцэрлэгээ усжуулах, ариун цэврийн өрөөн дэх жорлонгийн суултуурт хэрэглэх болон угаалга, цэвэрлэгээ хийхэд дэлхий дахинаа өргөн ашиглаж байна. Бид та бүхэнд борооны ус хуримтлуулан ашиглах системийг хэрхэн оновчтой суурилуулахад тань туслах болно. Бидэнтэй нэгдээрэй.