8%-ийн хүүтэй орон сууцны зээл хэрэгжиж эхэлсэнтэй холбоотойгоор Засгийн газраас “Төрийн орон сууцны корпораци”-ийг байгуулахаар яригдаж байсан. Тэгвэл Oрон сууц санхүүжилтийн корпорацийн нэр, үйл ажиллагааны чиглэл, үүргийг өөрчлөн Төрийн орон сууцны корпорацийг байгууллаа.

     Төрийн орон сууцны корпораци нь 100 хувь төрийн өмчит бөгөөд Ерөнхий сайдын удирдлагад ажиллаж, иргэдээ орон сууцжуулах хөтөлбөрийн 2 дахь хэсгийг хэрэгжүүлэх юм.

     Төрийн орон сууцны корпораци нь төрийн албан хаагч, залуу гэр бүл, хөгжлийн бэрхшээлтэй иргэд, ахмад настануудыг орон сууцаар хангах бодлогыг хэрэгжүүлэх, түрээсийн байр барьж, орон сууц худалдан авах боломжгүй иргэдээ орон сууцаар хангах ажлыг хариуцан ажиллахаар боллоо.