Монгол Улсын хэмжээнд бүтээн байгуулалтыг өрнүүлснээр хот төлөвлөлт, эрчим хүч, инженерийн дэд бүтэц, авто замын сүлжээг олон улсын жишигт хүргэх, хүн амын орон сууцны хангамжийг нэмэгдүүлэх, иргэдийг ажлын байраар хангах замаар улсын хэмжээнд тулгараад байгаа эдийн засаг, нийгмийн бэрхшээлтэй асуудлуудыг цогцоор шийдэж, улс орны хөгжлийг жигд хангах, хүн амын эрүүл, аюулгүй орчинд амьдрах эрхийг нь ханган баталгаажуулах зорилгоор “Шинэ бүтээн байгуулалт” дунд хугацааны зорилтот хөтөлбөр”-ийг Монгол Улсын Их Хурлын 2010 оны 36 дугаар тогтоолоор баталсан. Тус хөтөлбөрт тусгагдсан зорилтот арга хэмжээнүүдийг хэрэгжүүлэхэд  эхний ээлжинд хууль, эрх зүйн байдлыг боловсронгуй болгох,  нэмэлт өөрчлөлт оруулах, шинэчилэн найруулахаар төлөвлөгдсөн хуулиудын нэг нь “Барилгын тухай” хууль юм. 

        Барилгын тухай хуулийн шинэчилсэн найруулсан төсөлнь 9 бүлэг 76 зүйлтэй бөгөөд уг хуулиар барилга байгууламжийн ангиллын дагуу барилгын техникийн нөхцөл, зураг төслийг баталгаажуулсны үндсэн дээр барилгын ажлын зөвшөөрлийг олгох, барилгын ажлыг үе шатны дагуу гүйцэтгэх, түүнд хяналт тавих, ашиглалтад хүлээн авах, барилгын салбарын мэргэжлийн оролцогчдын эрх үүргийг тогтоох, барилгын салбарын мэргэжилтний зэрэг дэвийн дагуу мэргэшлийн гэрчилгээ олгох, барилгын компанийг бүртгэх, барилгын хууль тогтоомж зөрчигчдөд хариуцлага тооцох болон эдгээртэй холбогдон бий болох бусад харилцааг зохицуулах зорилго тавьсан байна. Түүнчлэн, хуулийн төслөөр барилгын үйл ажиллагаанд оролцох салбарын мэргэжлийн оролцогчдын эрх үүргийг нарийвчлан тогтоох, тэдэнд мэргэжилтний зэрэг дэвийн дагуу мэргэшлийн гэрчилгээ олгох, даатгалд хамруулах, барилгын компанийг бүртгэх, барилгын хууль тогтоомж зөрчигчдөд хариуцлага тооцох болон эдгээртэй холбогдон бий болох бусад харилцааг зохицуулахаар тусгажээ.

Хуулийн төслийн дэлгэрэнгүй танилцуулгыг энд дарж үзнэ үү.

Хуулийн төслийн үзэл баримтлалыг энд  дарж үзнэ үү.

Хуулийн шинэчилсэн найруулгыг энд  дарж үзнэ үү.