Бүтээн байгуулалтын нөр их ажлууд ид өрнөж байгаа үетэй зэрэгцэн “Барилга.МН” сэтгүүлийн шинэ дугаар худалдаанд гарлаа.

     Шинэ дугаараас та бүхэн 2013 онд Улаанбаатар хотын дэд бүтэц ямар байх, цаашдаа ямар шинэчлэлүүд хийгдэх гэж байгааг олж уншаарай. Мөн дахин төлөвлөлтийн ажлын явц яагаад удаашраад байгаа, тулгарч байгаа хүндрэл бэрхшээлийн талаар албаны хүнээс зарим асуултанд хариулт авлаа.

    Тусгай зөвшөөрөл олгох суурь нөхцөл, шаардлагыг хэр хөнгөвчлөгдсөнийг уншихаас гадна Орон сууц санхүүжилтийн корпорацийн захиалгаар Буянт Ухаа хорооллын эхний ээлж энэ оны 9 сараас ашиглалтанд орох ба м²-ийн үнэ нь 1,000,000 бөгөөд моргейжийн зээлээр авах боломжтой болжээ.

“Барилга.МН” сэтгүүлийн шинэ дугаараас

Мэдээ мэдээлэл

      Улаанбаатар хотыг 2020 он хүртэл хөгжүүлэх ерөнхий төлөвлөгөөний хүрээнд нийслэлд бүтээн байгуулалтын олон ажлыг гүйцэтгэхээр болсон. Харин Улаанбаатар хотод барилга, орон сууц олноор барьж байгуулахад цахилгаан, дулаан гэх мэт дэд бүтцийн хүрэлцээ ямар байгаа талаар тодорхой мэдээллийг барилгын хөрөнгө оруулагчид, барилга угсралтын компаниудад тусламж болох үүднээс судалж хүргэж байна.

      Улаанбаатар хотын төвлөрсөн дулаан хангамжийн системд 2013-2014 оны халаалтын улиралд 152 хэрэглэгчийн 158Гкал хэрэглээ нэмэгдэхээр хүлээгдэж байна.

       2009-2012 онд Улаанбаатар хотын цахилгааны өвлийн их ачааллын өсөлтийн хэмжээ жилд дунджаар 7,5%-12%байсан бол 2013 онд 15,9%болж өсчээ.

Дугаарын зочин

      Энэ удаагийн “Дугаарын зочин”-д БХБЯ-ны Стратеги бодлого төлөвлөлтийн хэлтсийн дарга Г.Мэргэнбаярыг урьлаа. Түүнээс моргейжийн зээлийн эргэн тойронд үүсээд байгаа асуудлуудад хариулт авлаа. Зээлийн журам батлагдаж зээл олгогдохоор болсон ч эрэлтийг хангах хэмжээний орон сууц байгаа эсэх, банкинд зээлтэй байга иргэд хөнгөлөлттэй зээлд хамрагдаж боломжтой юу? Орон сууцны үнийг тогтворжуулахад барилгын материалын үнэ маш чухал. Тиймээс энэ жил барилгын материалын голлох арматур, цементийн үнэ ханш ямар өртөгтэй байхыг ярилцлаганаас дэлгэрүүлэн уншаарай.

     Дэд бүтцийг шинэчлэх ажил хоёр жилийн хугацаанд хийгдэнэ. Нийтдээ 240 тэрбум төгрөг төсөвлөснөөс энэ жил 200 тэрбум төгрөгөөр дахин төлөвлөлтийн 12 байршил, шинэ суурьшлын бүсийн 10 газарт цэвэр ус, дулаан, эрчим хүч, инженерийн шугам сүлжээ барьж байгуулна. Нэгдүгээрт эдгээр ажлын санхүүжилтийг бондын хөрөнгөөс гаргаж байгаа, хоёрдугаарт дулааны улирал богино үргэлжлэх учраас цаг алдаж болохгүй.

Асуудал хөндсөн сэдэв

      Энэ удаа орон сууцны зээлийн асуудлыг хөндлөө. Энэ онд 30-аад мянган орон сууц ашиглалтанд орох тооцоо бий. Ядаж энэ барилгууд баригдаад дууссан цагт зээлээ өгч эхлэх хэрэгтэй.  Зээлийн санхүүжилтын хувьд санаа зовох хэрэггүй юм билээ. 800 тэрбум төгрөгийн эх үүсвэрийг шийдвэрлээд Монгол банкинд байршуулсан байгаа гэсэн. Зээлийн журам батлагдмагц аль дуртай арилжааны банкнаас  урьдчилгаа  30 хувиа төлөөд 20 жилийн хугацаатай, 7-9 хувийн хүүтэй зэлээ аваад шууд байрандаа орж болно.

     Зээлэнд хамрагдаад ч байр авч чадахгүй иргэд олон бий. Хөдөөнөөс хот руу нүүдэллэн ирж буй иргэдийн тоо өдрөөс өдөрт нэмэгдэж энэ хэрээр хотын захын гэр хороолол улам өргөжин тэлж байгаа.

Дуулгах мэдээ

     Өндөр чанартай бетон ба төмөрбетон бүтээц, эдлэлийг гарган авахад нэн түрүүн бетон хольц бэлтгэх үе шатанд чанаржуулах химийн нэмэлт ашиглах нь ихээхэн ач холбогдолтой байдаг. Ялангуяа хариуцлагатай бүтээц, төвөгшилтэй хийц бүхий асар том барилга байгууламж барихад түүний ашиглалтийн үеийн онцлогоос шалтгаалан шинэ технологи, шинэ шийдэл шаардах тул шинжлэх ухааны ололтыг ашиглах зайлшгүй шаардлагатай болдог

      Нэмэлтийн хуурай жингээр тооцож цементийн жингийн арав ба зууны хувиар их биш хэмжээтэй нэмэхэд цемент ба бетоны бэхжилтийн химийн процессд мэдэгдэхүйц нөлөөлж, технологийн ба физик-механик шинж чанарыг нь цогцоор сайжруулж нягт бүтэцтэй, өндөр бат бэхтэй хүйтэнд тэсвэртэй, ус үл нэвтрүүлэх чадварыг хангана.

Идэвхитэн бичигч

     Улс орны өнгө төрх, хөгжлийг барилга байгууламжаас нь харж болдог. Тиймээс ямар ч бүтээн байгуулалтын ард улс орны өнгө төрхийн асуудал яригдаж байдаг. “Барилга.МН” сэтгүүлд хаяглан ирүүлсэн бичлэгээс энэ удаа идэвхитэн бичигч, ахмад инженер З.Буян-Оршихын ирүүлсэн “11-р хорооллын эргэн тойрны барилгуудаас” бичлэгийг нийтэллээ.

11-р хорооллын ямар барилгад “асуудал” үүссэн юм бол?

      “Эрдэм төгс” гэж бас нэг сургууль бий. Барилга нь 2 давхар олон жил болсон гэтэл шууд л 4 давхар нэмээд одоо 6 давхар барилга боллоо. Эндээс харахад 2 давхраар зураг төсөл нь хийгдсэн бол 4 давхар нэмж барьсан “буруутан” нь хэн бэ? гэсэн асуудал  зүй ёсоор тавигдах учиртай. Эсвэл анх зураг нь 2 давхар биш 6 давхраар хийсэн бол худлаа зураг болж байх шиг. Энэ талаар барилгын байцаагч нарт хандсан ч тэдгээр нөхөд оновчтой зөв хариулт өгөөгүй.

Хаус дизайн

      Урин дулаан цаг ирж байгаа энэ үед хотын дуу чимээнээс түр холдож цэвэр агаарт амрах тохилог сайхан амины сууцтай болохыг хэн бүхэн хүснэ. Цэвэр агаарт, үзэсгэлэнт сайхан байгалийг харах боломжийг энэхүү байшин танд олгох болно.  

Үнэ ханш

      “Барилга.МН” сэтгүүлийн байнгын булангуудын нэг барилгын материалын үнэ ханшаа шинэчлэн гаргалаа. Барилгын материалын үнэ ханш харьцангуй тогтвортой байгаа ч модон материалын үнэ бага зэрэг өсөлттэй байгаа нь харагдаж байна.

Шинэ орон сууц

      Улаанбаатар хотод ашиглалтанд орсон болоод 2013 онд ашиглалтанд орохболон орсон 200-аадорон сууцны мэдээллийг дүүргээр нь нэгтгэн гаргалаа. Түүнчлэн орон сууцны үнэ ханштай холбоотой судалгаа мэдээллийг ч унших боломжтой.

Ажил гүйцэтгэлийн үнэлгээ

      Барилгын ажил эхлэх гэж байгаатай холбоотойгоорбарилгын ажил гүйцэтгэлийн жишиг үнэлгээг бригад, байгууллагаар нарийвчлан шинэчлэн гаргалаа.

Интернэтээр худалдан авахыг хүсвэл book.gogo.mn/paper.html дарна уу?