СӨХ-үүдэд хуулийн хариуцлага хүлээлгэжээ
Шударга өрсөлдөөн, хэрэглэгчийн төлөө газар нь Нийтийн аж ахуйн үйлчилгээ эрхэлж буй “ЖМБО” ХХК, “Баруун их нарлаг өргөө” ХХК, “Таун комфорт” ХХК, “Богд-Асар” ХХК, “Пума” ХХК, “Сансар дэнж өргөө” ХХК, “Ганга-Өргөө” ХХК, “Дэнж сансар өргөө” ХХК, “Хүч сервис” ХХК зэрэг нийт 10 гаруй аж ахуйн нэгжийн үйл ажиллагаа Өрсөлдөөний тухай, Хэрэглэгчийн эрхийг хамгаалах тухай хууль тогтоомжид нийцэж байгаа эсэхийг шалгасан байна. Хяналт шалгалтын явцад иргэдийн өргөдөл, гомдлыг шийдвэрлэсэн байдал хангалтгүй, оршин суугчдын зөвшөөрлийг харгалзахгүйгээр нийтэд нь даатгалын үйлчилгээнд хамруулах замаар төлбөрийг шууд суутган авдаг, тусгай зөвшөөрөлгүйгээр үйл ажиллагаа эрхэлдэг, төлбөр давхардуулан бичдэг, тодорхой хууль зүйн үндэслэлгүйгээр төлбөр ногдуулдаг, эрх бүхий байгууллагаас тогтоосон цахилгаан, дулаан, цэвэр, бохир усны үнэ, тарифаас өөр байдлаар айл өрхөөс аж ахуйн нэгжийн тарифаар тооцон төлбөр ногдуулдаг зэрэг нийтлэг зөрчил дутагдлууд илэрлээ. Тухайлбал, “Пума” ХХК, ”Хүч сервис” ХХК, “ЖМБО” ХХК-иуд нь аж ахуйн үйл ажиллагаа эрхлэх тусгай зөвшөөрөлгүй байсны дээр сууц өмчлөгчдийн холбооны үйл ажиллагааг хууль бусаар давхар эрхэлж байсан зөрчлүүд илэрчээ. Иймд ”Хүч сервис” ХХК, “ЖМБО”-д 3 сая, зөрчлийг арилгах талаар тус газраас өмнө нь мэдэгдсэн хэдий ч арилгаагүй, ноцтой зөрчил гаргасан “Пума констракшн” ХХК-д Өрсөлдөөний тухай хуулийн дагуу 10 сая, “Эв нэгдэл биднийх” СӨХ-ны гүйцэтгэх захиралд Хэрэглэгчийн эрхийг хамгаалах тухай хуулийн дагуу 50 000 төгрөгийн торгууль тус тус ногдуулахаар шийдвэрлэхээс гадна бусад аж ахуйн нэгжүүдэд улсын байцаагчийн хугацаатай албан шаардлага хүргүүлж, зөрчлийг арилгуулахаар болсон байна.
Хяналт шалгалтын хүрээнд “Дэнж сансар өргөө” ХХК-ийн Нийслэлийн Баянзүрх дүүргийн 1-р хороо, 22-р байрны хэрэглэгчийн “тоолууртай бөгөөд эзэнгүй байх хугацаанд ам бүлийн тоогоор хэрэглээний халуун усны төлбөрийг давхардуулан авч байна” гэсэн гомдол, “Ганга-Өргөө” ХХК-ийн хэрэглэгч Нийслэлийн БГД-ийн 2-р хороо, 58-р байрны хэрэглэгчийн “Тоолуурын заалтыг зөрүүтэй, баримжаагаар бичдэг” гэсэн цөөнгүй өргөдөл, гомдлуудыг шийдвэрлэж, хэрэглэгчийн гомдлыг барагдуулж ажиллалаа.
Мөн Нийслэлийн Орон сууц нийтийн аж ахуйн удирдах газарт Өрсөлдөөний тухай, Хэрэглэгчийн эрхийг хамгаалах тухай хууль тогтоомжийн хэрэгжилтийг хангах, илэрсэн зөрчлийг харъяа байгууллагуудад цаашид давтан гаргуулахгүй байхад анхаарал хандуулж ажиллах талаар мэдэгдэл, Эрчим хүчний зохицуулах газрын 95 тоот тогтоолоор батлагдсан хэрэглээний халуун усны үнэ, тарифыг Өрсөлдөөний тухай хуулийн 6 дугаар зүйлийн 6.1.1-д заасны дагуу хянуулан нэг мөр шийдвэрлүүлэх талаар Эрчим хүчний зохицуулах хороонд мэдэгдэл, Монголын нийтийн аж ахуйн үйлчилгээний холбооны удирдах зөвлөлийн 2010.12.16-ны өдрийн хурлаар батлагдсан “Орон сууц, аж ахуйн нэгжийн барилгын дотор цахилгаан, сантехникийн системийн тоноглол, эд анги, барилгын засвар үйлчилгээний ажлын жишиг үнэ”-ээр зарим аж ахуйн нэгжүүд үйлчилгээ үзүүлж байгаа нь Өрсөлдөөний тухай хуулийг зөрчсөн байгаа тул тус холбоонд улсын байцаагчийн албан шаардлага хүргүүлж, зөрчлийг арилгуулах арга хэмжээ авахаар ажиллаж байна гэлээ.
Хяналт шалгалтын хүрээнд “Дэнж сансар өргөө” ХХК-ийн Нийслэлийн Баянзүрх дүүргийн 1-р хороо, 22-р байрны хэрэглэгчийн “тоолууртай бөгөөд эзэнгүй байх хугацаанд ам бүлийн тоогоор хэрэглээний халуун усны төлбөрийг давхардуулан авч байна” гэсэн гомдол, “Ганга-Өргөө” ХХК-ийн хэрэглэгч Нийслэлийн БГД-ийн 2-р хороо, 58-р байрны хэрэглэгчийн “Тоолуурын заалтыг зөрүүтэй, баримжаагаар бичдэг” гэсэн цөөнгүй өргөдөл, гомдлуудыг шийдвэрлэж, хэрэглэгчийн гомдлыг барагдуулж ажиллалаа.
Мөн Нийслэлийн Орон сууц нийтийн аж ахуйн удирдах газарт Өрсөлдөөний тухай, Хэрэглэгчийн эрхийг хамгаалах тухай хууль тогтоомжийн хэрэгжилтийг хангах, илэрсэн зөрчлийг харъяа байгууллагуудад цаашид давтан гаргуулахгүй байхад анхаарал хандуулж ажиллах талаар мэдэгдэл, Эрчим хүчний зохицуулах газрын 95 тоот тогтоолоор батлагдсан хэрэглээний халуун усны үнэ, тарифыг Өрсөлдөөний тухай хуулийн 6 дугаар зүйлийн 6.1.1-д заасны дагуу хянуулан нэг мөр шийдвэрлүүлэх талаар Эрчим хүчний зохицуулах хороонд мэдэгдэл, Монголын нийтийн аж ахуйн үйлчилгээний холбооны удирдах зөвлөлийн 2010.12.16-ны өдрийн хурлаар батлагдсан “Орон сууц, аж ахуйн нэгжийн барилгын дотор цахилгаан, сантехникийн системийн тоноглол, эд анги, барилгын засвар үйлчилгээний ажлын жишиг үнэ”-ээр зарим аж ахуйн нэгжүүд үйлчилгээ үзүүлж байгаа нь Өрсөлдөөний тухай хуулийг зөрчсөн байгаа тул тус холбоонд улсын байцаагчийн албан шаардлага хүргүүлж, зөрчлийг арилгуулах арга хэмжээ авахаар ажиллаж байна гэлээ.