Иргэд хүсвэл хаана ч дахин төлөвлөлт хийж болно
Гэр хорооллын иргэдийг орон сууцжуулах төсөл хэрэгжиж эхлээд удаагүй байгаа ч багагүй үр дүнд хүрээд байна. Одоогийн байдлаар дахин төлөвлөлт хийх 12 байршилд төсөл хэрэгжүүлэх компаниудыг 3 үе шаттайгаар сонгон шалгаруулж байгаа билээ.
Шалгаруулах ажлын хүрээнд БГД-ийн XVI хороо, Гандантэгчилэн хийд орчмын хоёр байршил дээр "Пума", "Эко констракшн" компаниуд иргэдийн дэмжлэг авч чадаагүй тул тус байршлуудад дахин төлөвлөлт хийгдэхгүй. Харин бусад байршлууд дээр иргэд барилгын компаниудтай тохиролцоонд хүрсэн тул орон сууцжуулах ажлыг эхлүүлэхэд бэлэн болсон байна.
Чингэлтэй дүүргийн VII хороонд "ЭСБИ холдинг", XIII, XV хороонд "Асар өргөө", "Буурал сутай" компани шалгарсан бол БЗД-ийн VIII, XVI хороонд БХИС-ийн орчим "Баганат өргөө", Тангар инвест", XII хороонд нь "Гранд лайн", "Жиди", "Цэлмэг-Ази ЧММ" компаниуд шалгарсан байна. СБД-ийн IX, X, XI, XII хороо, орон сууцны VII хороололд "Асар өргөө", "Бэрэн", "Заг" компаниуд БЗД-ийн XIII, XIV хороо, орон сууцны 14 дүгээр хороололд "Бүрд", "Моннис", "Бэрэн" компаниуд дахин төлөвлөлт хийхээр болжээ. Чингэлтэй дүүргийн VII, VIII, 1Х, Х хороо Дэнжийн мянгад "Гранд лайн", "Өндөр буянт", Чингэлтэй дүүргийн VII, VIII дугаар хорооны Б хэсэг, БГД-ийн XI хороонд "Өндөр буянт" компани гэр хорооллын дахин төлөвлөлтийг хийх аж.
Эдгээр байршлаас гадна иргэд хүсвэл гэр хорооллын аль ч хэсэгт дахин төлөвлөлтийг хийх боломжтой юм. Хотын аль ч хэсгийн иргэд сайн дураар нэгдээд, барилгын компаниа сонгон дахин төлөвлөлт хийлгэе гээд хүсэлтээ гаргавал заавал дээрх сонгогдсон 12 байршил гэлтгүй хаана ч орон сууцжуулах төсөл хэрэгжих боломжтой гэж албаны эх сурвалж мэдээлсэн.
Эдгээр байршлаас гадна иргэд хүсвэл гэр хорооллын аль ч хэсэгт дахин төлөвлөлтийг хийх боломжтой юм. Хотын аль ч хэсгийн иргэд сайн дураар нэгдээд, барилгын компаниа сонгон дахин төлөвлөлт хийлгэе гээд хүсэлтээ гаргавал заавал дээрх сонгогдсон 12 байршил гэлтгүй хаана ч орон сууцжуулах төсөл хэрэгжих боломжтой гэж албаны эх сурвалж мэдээлсэн.