Барилгын салбарт нэгэн дэвшилтэт технологи нэвтэрлээ
Барилга угсралт, үйлдвэрлэл, худалдааны Тэдмэнт компанийн Ган бүтээц, Вакуум цонх, хаалганы үйлдвэрийн нээлт өчигдөр боллоо. Нээлтийн үйл ажиллагаанд Барилга, хот байгуулалтын сайд Ц.Баярсайхан, БХБЯ-ны ББМҮБХЗГ-ын дарга Б.Цэдэнсамба нар оролцсон байна.
Тус үйлдвэрт Q235 төрлийн ган, H08A маркийн электрод, HJ431 маркийн нунтагаар жилд 3000 тонн H,L,C хэлбэрийн ган бүтээц үйлдвэрлэх юм байна. Эдгээр бүтээцүүд нь уул уурхай, эрчим хүч, үйлдвэр үйлчилгээний салбарын байгууламжуудад өргөнөөр хэрэглэж байгаа бүтээмж өндөртэй, хугацаа хэмнэсэн, ашиглах талбайг ихэсгэдэг орчин үеийн дэвшилтэт бүтээгдэхүүн ажээ.
Хаалга цонхны үйлдвэр нь DW хөнгөн цагаан цонх, хаалга үйлдвэрлэнэ. Жилдээ 15,000 м.кв бүтээгдэхүүн үйлдвэрлэх хүчин чадалтай Герман улсын PARKER фирмийн тоног төхөөрөмж оруулж иржээ.