Цемент үйлдвэрлэгчид мэдээлэл хийлээ
Монголын үндэсний үйлдвэрлэгчдийн холбооноос цементийн үйлдвэрлэлийн өнөөгийн байдлын талаар өнөөдөр “Монголньюс” мэдээллийн танхимд мэдээлэл хийлээ. Энэ үеэр барилгын гол материалын нэг нь цемент учраас цементийн үйлдвэрлэлийг төрийн бодлогоор зохицуулах зайлшгүй шаардлагатай байгаа тухай онцоллоо. Ингэхдээ цементийн үйлдвэрлэлийг стратегийн салбарт тооцож, импортын хамаарлаас гаргах хэрэгтэй гэж үзэж байгаа тул энэ асуудлаар Монгол Улсын Ерөнхийлөгч Ц.Элбэгдорж болон Засгийн газарт хандахаар болсон байна.
Одоогоор нийт цементийн хэрэглээний нэг сая тонныг импортоор буюу БНХАУ-аас, 500 мянган тонн цементийг дотоодоос хангаж буй ажээ. Ийнхүү цемент хэрэглээгээр гаднаас хараат болсон гэж хэлэхээр энэ үед Төв аймгийн Сэргэлэн суманд Хятадын хөрөнгө оруулалттай цементийн үйлдвэр байгуулах нь барилгын салбар гадныхнаас хамаарах хамаарлыг улам бүр нэмнэ гэж холбооныхон үзэж, уг үйлдвэр байгуулахын эсрэг байр сууриа илэрхийллээ.
Цементийн хэрэглээ хэт гаднаас хамааралтай байх нь үндэсний үйлдвэрлэлийн хөгжлийг хязгаарлахаас гадна Хятадаас оруулж ирдэг цементийг барилгынхан чанар муу гэж дүгнэдэг. Учир нь Хятадаас цемент импортолдог компаниуд цементийн хадгалалтын хугацааг хэтрүүлэн худалддаг тухай хурлын үеэр онцолсон. Ингэж барилгын норм, дүрмийг хангаагүйгээс барилга нурах,аливаа осол гарч болзошгүй гэдгийг ч хэлж байв. Мөн барилгачид барилгын салбарт гаргаж буй хөнгөлөлттэй зээл бодит ажил хэрэг болж чадахгүй байна гэж шүүмжилсэн. Тодруулбал, Төв банк болон Барилга, хот байгуулалтын яамнаас хамтран гаргаж буй хөнгөлөлттэй зээлийг авч, эргэлтийн хөрөнгөө шийдэхээр хоёрдугаар сараас хойш хөөцөлдөөд бүтээгүй хойгуур Хятадаас цемент импортолдог компаниуд өрсөөд их хэмжээгээр оруулж ирж, зах зээлийг эзлээд байгаа гэнэ.
Тиймээс барилгын голлох материал болох цементийн үйлдвэрлэл дэх гадны оролцоог багагсгах буюу Хятадын хөрөнгө оруулалттай үйлдвэр байгуулахыг зогсоох, үндэсний үйлдвэрүүдээ дэмжиж өргөтгөх хэрэгтэй байна хэмээн Монголын үндэсний үйлдвэрлэгчдийн холбооноос санал дэвшүүлэв.
Одоогоор нийт цементийн хэрэглээний нэг сая тонныг импортоор буюу БНХАУ-аас, 500 мянган тонн цементийг дотоодоос хангаж буй ажээ. Ийнхүү цемент хэрэглээгээр гаднаас хараат болсон гэж хэлэхээр энэ үед Төв аймгийн Сэргэлэн суманд Хятадын хөрөнгө оруулалттай цементийн үйлдвэр байгуулах нь барилгын салбар гадныхнаас хамаарах хамаарлыг улам бүр нэмнэ гэж холбооныхон үзэж, уг үйлдвэр байгуулахын эсрэг байр сууриа илэрхийллээ.
Цементийн хэрэглээ хэт гаднаас хамааралтай байх нь үндэсний үйлдвэрлэлийн хөгжлийг хязгаарлахаас гадна Хятадаас оруулж ирдэг цементийг барилгынхан чанар муу гэж дүгнэдэг. Учир нь Хятадаас цемент импортолдог компаниуд цементийн хадгалалтын хугацааг хэтрүүлэн худалддаг тухай хурлын үеэр онцолсон. Ингэж барилгын норм, дүрмийг хангаагүйгээс барилга нурах,аливаа осол гарч болзошгүй гэдгийг ч хэлж байв. Мөн барилгачид барилгын салбарт гаргаж буй хөнгөлөлттэй зээл бодит ажил хэрэг болж чадахгүй байна гэж шүүмжилсэн. Тодруулбал, Төв банк болон Барилга, хот байгуулалтын яамнаас хамтран гаргаж буй хөнгөлөлттэй зээлийг авч, эргэлтийн хөрөнгөө шийдэхээр хоёрдугаар сараас хойш хөөцөлдөөд бүтээгүй хойгуур Хятадаас цемент импортолдог компаниуд өрсөөд их хэмжээгээр оруулж ирж, зах зээлийг эзлээд байгаа гэнэ.
Тиймээс барилгын голлох материал болох цементийн үйлдвэрлэл дэх гадны оролцоог багагсгах буюу Хятадын хөрөнгө оруулалттай үйлдвэр байгуулахыг зогсоох, үндэсний үйлдвэрүүдээ дэмжиж өргөтгөх хэрэгтэй байна хэмээн Монголын үндэсний үйлдвэрлэгчдийн холбооноос санал дэвшүүлэв.
www.news.mn