Найман хувийн хүүтэй орон сууцны зээл энэ долоо хоногт олгож эхэлнэ хэмээн УИХ-ын гишүүн АН-ын бүлгийн дарга Д.Эрдэнэбат мэдэгдэж байсан. Гэвч долоо хоног шувтарч байхад зээл олгож эхэлсэн арилжааны ганц ч банк байхгүй байгаа. Өөрөөр хэлбэл, найман хувийн хүүтэй зээлийг ямар шалгуур шаардлагаар олгох нь тодорхой болоогүй байхад зээл олгоно гэсэн мэдээлэл хийсэн нь буруу хэмээн албаны хүн тайлбарласан.
           Тэгвэл өчигдөр Ерөнхий сайд Н.Алтанхуяг аймгуудын Засаг дарга нартай хийсэн цахим уулзалтан дээр Д.Эрдэнэбатын мэдэгдэлд залруулга хийв. Тодруулбал, Найман хувийн хүүтэй орон сууцны зээлийг энэ долоо хоногоос олгож эхлэхээр төлөвлөж байсан ч амжихааргүй болж дараагийн долоо хоног руу шилжүүлсэн байна. Засгийн газраас журмыг нь баталсан ч Монголбанк мөн журам батлах шаардлага гараад байгаа аж. Тиймээс банкууд Монголбанктай хэлэлцэж тохирч, Монголбанк тодорхой журмыг гаргасны дараа уг төсөл хэрэгжиж эхлэх аж.

                                                                                           Эх сурвалж: Оллоо.мн