Энэ долоо хоногоос орон сууцны 8 хувийн хүүтэй зээлийг арилжааны банкуудаар дамжуулан олгож эхэлсэн.  Уг зээлэнд  зөвхөн шинээр орон сууц худалдаж авч байгаа иргэдээс гадна өмнө нь арилжааны банкуудаас өндөр хүүтэй орон сууцны зээл авсан иргэд ч хамрагдах боломжтой. Журамд тусгаснаар хуучин зээлтэй хүмүүс сүүлийн 6 сар зээлийн сайн түүхтэй байх ёстой байсан бол үүнийг болиулж шууд 8 хувийн зээл рүү шилжих боломжтой болжээ.

Монгол банкнаас гаргасан судалгаагаар ипотекийн зээлтэй 32000 орчим иргэн байгаа гэнэ. Эдгээр иргэд 8 хувийн хүүтэй зээл рүү шилжихийн тулд Шүүхийн шийдвэр гүйцэтгэх газраас өр төлбөргүйг тодорхойлсон лавлагааг авч зээл авсан банкиндаа хүргүүлэх шаардлагатай юм. Иймээс өр төлбөргүйг тодорхойлсон лавлагааг хаанаас хэрхэн авч болох талаар мэдээллийг хүргэж байна.

Иргэн, хуулийн этгээдийн өр төлбөргүйг тодорхойлсон лавлагааг Сүхбаатар дүүргийн 10-р хороо 100 айлын Петровисын колонкын баруун талд Шүүхийн шийдвэр гүйцэтгэх ерөнхий газрын 2 дугаар байранд олгож байна.

Лавлагаа  авахдаа:

1.Иргэн:

а/.Цахим иргэний үнэмлэх, иргэний үнэмлэх байхгүй тохиолдолд цахим үнэмлэхний лавлагаа, төрсний бүртгэлийн лавлагаа эх хувиар буюу хуулбар

б/.Лавлагааны хураамжийн баримт

2.Хуулийн этгээд:

а/Улсын бүртгэлийн гэрчилгээ эх хувиар буюу хуулбар

б/Лавлагааны хураамжийн баримт

Лавлагааны хураамж:

Иргэн: 2000 төгрөг

Хуулийн этгээд:  10000 төгрөгийг Шийдвэр гүйцэтгэх газрын Хадгаламж банкны 10460020008 тоот дансанд тушаана уу.