Ирэх 1 дэх өдрөөс эхлэн 8%-ийн зээл арилжааны банкуудаар дамжин олгогдож эхлэнэ. Гэтэл иргэдэд эхлээд хэнд хандах, ямар бичиг баримт бүрдүүлэх талаар тодорхой мэдээлэл байхгүй байна.

     Одоогоор Монгол банкнаас зээлийн журам нь арилжааны банкууд дээр очоогүй байгаа учраас банкны зүгээс иргэдэд ямар шаардлага тавих нь хараахан тодорхой болоогүй байна.

      Арилжааны банкуудын иргэдэд тавих шаардлага адилхан байх ба сүүлийн 6 сарын хугацаанд чанаргүй зээлийн үлдэгдэл байхгүй, шүүхийн шийдвэрээр ямар нэг төлбөр төлөөгүй бол дараах бичиг баримтыг бүрдүүлэх хэрэгтэй юм байна.

Үүнд:

1.      Цахим үнэмлэхний нотариатаар баталгаажуулсан хуулбар

2.      Гэрлэлтийн баталгаа

3.      Оршин суугаа хорооны тодорхойлолт

4.      Ажлын газрын тодорхойлолт

5.      Нийгмийн даатгалын дэвтэр

6.      Хөдөлмөрийн гэрээний хуулбар

7.      Урьдчилгаа төлбөрийг нотлох баримт (урьдчилгаа төлбөрийг ямар эх үүсвэрээс хуримтлуулсан)

8.      Орон сууц худалдан авах гэрээ зэргийг бүрдүүлсэн байх шаардлагатай.

      Иргэд дээрх бичиг баримтыг бүрдүүлэхээсээ өмнө банкны зээлийн эдийн засагчид хандан хэдий хэмжээний зээл авах боломжтойгоо тооцоолуулах хэрэгтэй гэдгийг анхааруулж байна.

       Харин өмнө нь авсан өндөр хүүтэй зээлээ 8%-ийн зээл рүү шилжүүлэхийн тулд зээл авсан банкныхаа салбар дээр очоод банкны зүгээс шаардсан материалыг нь бүрдүүлээд өгчихвөл та хөнгөлттэй зээлд хамрагдах боломжтой.