Өнөөдрөөс эхлэн 8%-ийн хүүтэй орон сууцны зээл арилжааны банкуудаар дамжин олгогдоно. Өнгөрсөн баасан гарагт Монголбанк болон арилжааны банкуудын хооронд байгуулах орон сууцны ипотекийн санхүүжилтийн мастер гэрээнд Монголбанкны ерөнхийлөгч Н.Золжаргал, Монголын Ипотекийн корпорацийн гүйцэтгэх захирал Д.Гантөгсболон арилжааны банкуудын удирдлагуудгарын үсэг зурсан юм.

      Монголбанкны шалгуурыг давсан “ХААН”, “Хас”, “Худалдаа хөгжлийн банк”, “Голомт”, “Хадгаламж”, “Тээвэр хөгжлийн банк”, “Эрэл”, “Капитрон”, “Кредит”, “Улаанбаатар хотын банк”, “Төрийн банк”, “Үндэсний хөрөнгө оруулалтын банк”, “Чингис хаан банк”, “Капитал” зэрэг 14 банкаар дамжуулан иргэдэд олгох юм.

   Ийнхүү бэлтгэл ажил хангагдсанаар ипотекийн зээлд хамрагдах хүсэлтэй иргэд өнөөдрөөс эхлэн дээрх банкуудад хандаж болохоос гадна өндөр хувьтай зээлийн хүүгээ найман хувь руу шилжүүлэх боломж нээгдэж байгаа аж. Арилжааны банкуудын иргэдэд тавих шаардлага адилхан байгаа.

      Банкнаас хэдэн төгрөгний зээл авах боломжтойгоо тооцоолуулсаны дараа байраа сонгоод дараах бичиг баримтыг банканд бүрдүүлж өгнө.

Үүнд:

1.      Цахим үнэмлэхний нотариатаар баталгаажуулсан хуулбар

2.      Гэрлэлтийн баталгаа

3.      Оршин суугаа хорооны тодорхойлолт

4.      Ажлын газрын тодорхойлолт

5.      Нийгмийн даатгалын дэвтэр

6.      Хөдөлмөрийн гэрээний хуулбар

7.      Урьдчилгаа төлбөрийг нотлох баримт (урьдчилгаа төлбөрийг ямар эх үүсвэрээс хуримтлуулсан)

8.      Орон сууц худалдан авах гэрээ зэргийг бүрдүүлсэн байх шаардлагатай.