Сэргээгдэх эрчим хүчгэдэг нь нар, салхи, бороо, далайн давалгаа, газрын гүний дулаан зэргээс гарган авдаг, тасралтгүй нөхөн сэргээгддэг энергийг хэлнэ. 2006 оны байдлаар Дэлхийн нийт эрчим хүчний 18%-ийг сэргээгдэх эрчим хүчнээс гарган авсан байна. Үүний 13%-ийг уламжлалт түлш болох модноос, 3%-ийг уснаас (Дэлхийн цахилгаан эрчим хүчний 15%), 1.3%-ийг нарны эрчим хүчнээс, үлдэх 0.8% орчмыг нь газрын гүний дулаан, салхи, нар, далайн эрчим хүчийг ашиглан гарган авч байна.

         Дэлхийн дулаарал, газрын тосны үнийн өсөлт зэрэг нь сүүлийн үед сэргээгдэх эрчим хүчний талаар далайцтай судалгаа явуулах, судалгаанд ихээхэн хөрөнгө оруулах, үйлдвэрлэх, хэрэглэх үндсэн шалтгаан болж байна. Энэ чиглэлд оруулсан хөрөнгө оруулалтын хэмжээ 2005 онд 80 тэрбумаас 2006 онд 100 тэрбум ам.доллар болж нэмэгдсэн байна.

        Салхины эрчим хүчний ашиглалт жилд 30%-иар нэмэгдэж, түүнээс гарган авч буй эрчим хүч 100 ГВт (GW) боллоо. Салхины эрчим хүчийг Европийн орнууд болон АНУ-д өргөнөөр ашиглаж байна. Нарны эрчим хүчий үйлдвэрлэл 2006 оны байдлаар 2,000 MВт-с давж гарсан ба Герман ба Испанид хамгийн түгээмэл ашиглагддаг байна. Харин нарны дулааны станцыг АНУ ба Испанид өргөнөөр ашиглаж байгаа ба хамгийн том нь АНУ-ын Калифорнийн Можави цөл дэх станц юм. Уг станцын суурилагдсан хүчин чадал нь 354 MВт болно. Дэлхийн хамгийн том газрын гүний дулааны станц нь 750 МВт хүчин чадалтай АНУ-ын Калифорни дахь Гейзер станц юм. Бразил нь чихрийн нишингээс гарган авсан этанолийг хамгийн ихээр хэрэглэж байгаа орон бөгөөд тус орны автобензины 18%-ийг этанол түлш хангадаг байна. АНУ-д уг түлшийг мөн өргөнөөр хэрэглэдэг болно.

          Үүнээс гадна алслагдсан жижиг хот суурингуудыг сэргээгдэх эрчим хүчээр хангах төслүүд ихээр хэрэгжиж байна. Кени нь дэлхийд хамгийн ихээр бага оврын сэргээгдэх эрчим хүч хэрэглэдэг орон гэж тооцогддог. Тус улсад нэг жилд 20-100 Вт хүчин чадал бүхий 30,000 орчим нарны цахилгаан эх үүсгүүр зарагддаг байна

            Монгол улсын хувьд цахилгаан эрчим хүчний хэрэглээ өдрөөс өдөрт нэмэгдэж  байгаа ч хэрэглээгээ бүрэн шийдвэрлэх гарцыг тодорхойлж чадаагүй л байна. Нэг хэсэг нь атомын цахилгаан станцыг цорын ганц аврал гэж итгэж байгаа бол сэргээгдэх эрчим хүчийг санал болгох хүн цөөнгүй бий. Ингээд манай орны хувьд сэргээгдэх эрчим хүчний нөөц баялаг ямар хэмжээнд байдаг талаар Энхбат.МН сайтаас авсан судалгааг хүргэж байна.

Танилцуулга-1. Монгол улсын сэргээгдэх эрчим хүчний нөөц, тоогоор

Судалгаанаас үзэхэд, байгалийн сэргээгдэх нөөцөө ашиглан өнөөгийн Монголын хэрэгцээг 2600 (!) дахин хангаж чадах их эрчим хүчийг тасралтгүй, мөнхөд үйлдвэрлэж явах бололцоо бидэнд байна. 

Доорх танилцуулгыг Монголын сэргээгдэх эрчим хүчний тэргүүлэгч NewCom групп -ээс авсан болно.  

NewCom групп Төв аймгийн Сэргэлэн сумын нутагт Монголын анхны Салхин парк буюу 20MВт хүчин чадал бүхий салхин цахилгаан станц барих ажлаа эхлээд байна.

Танилцуулга-2: Дэлхийн нар, салхины эрчим хүчний хөгжил

Танилцуулга-3: Монголын Говийн нар, салхины эрчим хүчний нөөц, харьцуулахад

Танилцуулга-4: Монголын нарны эрчим хүчний нөөц

Танилцуулга-5: Монголын салхины эрчим хүчний нөөц

Нүүрс, уран, нефтийн хэчнээн их нөөц байлаа ч нэг л өдөр дуусна.  Харин Монгол нутгийн нар, салхины нөөц бол бидний дуусашгүй, мөнхийн их баялаг билээ. Тэгээд ч эрчим хүчний энэ эх үүсвэр нь утаа тортог, нүүрс хүчлийн хий ялгаруулж, агаар, орчин бохирдуулахгүй, асар их ус хэмнэдэггээд сайн тал өчнөөн бий.