Монгол улсын барилгын салбарын бодлогыг хувийн хэвшлийн байгууллага, гадаад дотоодын хөрөнгө оруулагчдад танилцуулах зорилгоор “Construction Mongolia 2013” олон улсын үзэсгэлэнг зохион байгуулж өчигдөр “Буянт-Ухаа” спорт цогцолборт нээлтээ хийлээ.

/Үзэсгэлэнгийн нээлт уртын дуу, морин хуурын уянгалаг түрлэгээр эхэллээ/

/Нээлтэнд БХБЯ-ны дэд сайд Г.Байгалмаа, БХТ-ийн захирал Б.Баярсайхан болон ивээн тэтгэгч байгууллагуудын төлөөлөл оролцлоо/

     Үзэсгэлэнд Герман, Япон, ОХУ, БНХАУ зэрэг 10 гаруй орны барилгын материалын шинэ дэвшилтэт техник технологитой танилцаж боломж нээлттэй байна. Мөн салбарын аж ахуйн нэгжүүдэд хамтын ажиллагаагаа өргөжүүлэн тэлэх, шинэ техниз технологийг Монголд нэвтрүүлэх боломжийг олгосон гэдгээрээ давуу талтайг зохион байгуулагчид хэлж байна.

/Үзэсгэлэнд зориулагдан гарсан хот байгуулалтын хөгжлийн түүхийг харуулсан гэрэл зургийн үзэсгэлэнгээс/

/Манай Барилгачин Боб хаана ч очсон од шүү/

/Construction Mongolia 2013 үзэсгэлэн яармагийг зорин ирсэн үзэгчид "Амины орон сууцны шилдэг 100 загвар" каталогийн 2013 хэвлэлт, Интерьер дизайн каталогоо 10,000 төгрөгөөр худалдан авах боломжтой/

       “Construction Mongolia 2013” олон улсын үзэсгэлэнд 50 гаран аж ахуйн нэгж материал бүтээгдэхүүн, үйл ажиллагаагаа олон нийтэд танилцуулж байна. Тус үзэсгэлэн нь 10 сарын 18-19 өдрүүд хүртэл “Буянт -Ухаа” спорт цогцолборт үзэгч та бүхэнд нээлттэй байх юм.