Хөшигтийн хөндий дэх Олон улсын шинэ нисэх буудлын бүтээн байгуулалтын ажилэнэ оны 6 дугаард эхэлсэн.  Бүтээн байгуулалтын ажил эхлээд дөрвөн сар болж байгаа ч энэ хугацаанд барилга барих 2,8 сая ам.метр талбайд хөрс хуулалт хийж, төлөвлөсөн ажлын 94 хувийг гүйцэтгээд байгааажээ. Бусад ажлын гүйцэтгэл 110 хувьтай, ирэх жилийнхээ төлөвлөгөөт ажлыг хийж эхлээд байгаа гэнэ.

           Өнөөдрийн байдлаар онгоц хөөрч буух зурвасын далангийн газар шорооны ажлыг гүйцэтгэж, ирэх жил бетон хучилт хийх бэлтгэл болон зорчигч үйлчилгээний барилга, нислэгийн хөдөлгөөний удирдлагын цамхагийн барилгын ажил хийгдэж байгаа юм. Төслийн ажлыг Монгол, Япон, БНСУ, Англи, Филиппин зэрэг орны нийт 80 гаруй инженер, техникийн ажилтнуудын нэгтгэсэн удирдлага дор 700 орчим ажилчид хийж гүйцэтгэж, 180 гаруй машин техник ажиллаж байна.

Төслийн барилгын ажлыг гүйцэтгэхэд 49,5 тэрбум Япон иен зарцуулах бөгөөд төслийг Япон улсын хөгжлийн албан ёсны туслалцааны хөнгөлөлттэй зээлээр санхүүжүүлж байгаа. Энэ нь 0,2 хувийн хүүтэй, 40 жилийн хугацаатай, эхний 10 жилдээ зээлийн үндсэн төлбөрөөс чөлөөлөгдөх нөхцөлтэй зээл юм.