Монгол Улсын барилгын салбарт АНУ-ын чанар, технологи нэвтэрч,  дэлхийд барилгын салбараараа тэргүүлэгч улсын туршлага, арга барилаас суралцах боломжийг олгох үүднээс “84 Ламбер” компани “АНУ-н чанарыг Монголд” сэдэвт уулзалт, зөвлөгөөнийг зохион байгууллаа.

     АНУ-ын“84 Ламбер”компани нь Монгол улсадорон сууцны хотхон хороолол, суурьшлын бүсүүдийг барьж байгуулах, тэдгээрийн эрчим хүч, халаалт, цэвэр бохир ус, замын асуудлуудыг байгаль орчинд ээлтэй байдлаар, чанарын өндөр түвшинд шийдвэрлэхэд өөрийн гэсэн хувь нэмэр оруулах зорилгоор хамтран ажиллагч болон түнш байгууллага, компаниудыг Монголд урин энэхүү зөвлөгөөнийг зохион байгуулж байгаа юм.

“84 Ламбер” компанийн Монгол дахь төлөөлөгч П.Цогтсайхан: Монголд барилга, дэд бүтцийн чиглэлээр асар их нөөц бий

Өнөөдрийн уулзалт, зөвлөгөөний гол ач холбогдол нь юу байна вэ?

      Өнөөдрийн уулзалтын гол зорилго нь Америкийн чанар, технологийг Монголд нэвтрүүлэх ажлуудын эхлэл гэж үзэж байгаа. Бид Америкийн модон арагт технологийн /канад хаус/ байшингуудыг Монголд нэвтрүүлж эхлээд 1 жил гаруй хугацаа өнгөрч байна. Дараагийн ажил нь Монголын нөхцөлд барилга барихад дэд бүтэц, эрчим хүч, зам, инженерингийн төлөвлөлт зэрэг олон асуудлыг шийдвэрлэх хэрэгтэй учраас АНУ-д энэ чиглэлийн мэргэжилтнүүдийг урьж төрийн болон хувийн хэвшлийн байгууллагуудтай уулзууллаа.

     Урилгаар ирсэн мэргэжилтнүүд Монголд барилга, дэд бүтцийн чиглэлээр асар их нөөц, боломж байгааг олж харсан. Монголд ирээд хоёр, гуравхан хонож байгаа ч маш олон зүйлийг сурч, мэдлээ. Маргаашнаас эхлээд байгууллагуудтай ганцаарчилсан уулзалтыг хийж эхлэнэ. Эдгээр уулзалтын дараагаас эхлээд цаашид ямар чиглэлээр, яаж хамтран ажиллах вэ гэдгээ тодорхойлох үе шатандаа ирчихээд байна.

     АНУ-тай яг байдлаар хамтран ажиллах вэ гэдгээ тодруулаач? АНУ-аас орж ирсэн төсөл хөтөлбөрүүдийг монгол компаниуд гүйцэтгэнэ гэж ойлгож болох уу?

     Тэгж ойлгож болно. Гэхдээ бид Америк технологийг монголд нэвтрүүлэх зорилготой учраас АНУ-аас мэргэжлийн инженер, сургагч багш нарыг авчраад хөрсний шинжилгээ, судалгаа хийх, инженерингийн төлөвлөлтөн дээр хамтран ажиллаж Америк технологийг Монголд нутагшуулах арга хэмжээ авч байна гэсэн үг. Жишээ нь: Цэвэр бохир усны байгууламж барьлаа гэж бодоход Америкаас 1-2 зөвлөх мэргэжилтэн ирж монголын мэргэшсэн ажилтнуудад зааж сургана гэж ойлгож болно.

      Цаашид хамтран ажиллах хүсэлтэй байгууллага, аж ахуйн нэгжүүд ямар байдлаар холбогдох боломжтой байна вэ?

     Өнөө маргаашдаа биечилсэн уулзалтууд явагдаад дуусч байгаа. Миний бие “84 Ламбер” болон бусад компаниудын бие төлөөлөгч учраас цаашид хамтран ажиллах сонирхолтой байгууллагууд надаар дамжуулах буюу 9910 6671 гэсэн утсаар холбогдох боломжтой.

“84 Ламбер” компанийн ОУ-ын худалдаа хариуцсан захирал Mark Reginelli: Цаашид орон сууцны цогцолбор хороолол барих төлөвлөгөө бий

    Хамгийн анх 5-6 жилийн өмнө ОССК-ийн төлөөлөгчид АНУ-д очих үеэрээ модон арагт технологийг сонирхож байсан. Тэр уулзалтын үеэр Монгол боломж байгааг ойлгосон. Би 2 жилийн өмнө нэг нийтлэл уншсан. Тэндээс Монголд эдийн засаг маш хурдацтай хөгжиж байгааг олж харсан. Монголд бүрэн нөөц боломж бий.

Цаашдаа ямар төсөл хөтөлбөр хэрэгжүүлэх вэ?

      Энэ зөвлөгөөнийг зохион байгуулаад хүмүүсийг авчирсан шалтгаан нь төрийн болон хувийн хэвшлийн байгууллагуудтай хамтраад орон сууцны цогцолбор хороолол барих төлөвлөгөөтэй байна. Бидний уулзсан хүн болгон ийм санал, бодолтой байна.