Нийслэлд үл хөдлөх эд хөрөнгийн тооллого, татвар төлөгч иргэнийг бүртгэлжүүлэх ажил   өнгөрөгч9 дүгээр сарын 20-ны өдрөөс эхэлсэн бөгөөд энэ оны 11 дүгээр сарын 01-нийг хүртэл үргэлжилнэ.  Тооллогын үеэр Нийслэлийн Санхүү, эдийн засгийн асуудал эрхэлсэн орлогч дарга Н.Батаагаар ахлуулсан нийслэлийн ажлын хэсгээс гадна  дүүрэг, хороодод салбар ажлын хэсгүүд ажиллаж байна. Тооллого, бүртгэлжүүлэх ажилд нийслэл, дүүрэгт бүртгэлтэй иргэд, дүүргийн нутаг дэвсгэрт байгаа бүх үл хөдлөх эд хөрөнгө, / объектууд/, үйлдвэр, үйлчилгээ, худалдаа эрхэлж байгаа ажлын байрууд, иргэд хамрагдах юм.

          Тооллого явагдаж байгаатай холбоотойгоор Үл хөдлөх эд хөрөнгө өмчлөгч, иргэн, ААНБ-ууд, ажлын байранд үйлчилгээ, үйл ажиллагаа эрхэлж буй иргэд ажлын байран дээрээ дараах бичиг баримтуудыг бэлэн байлгаж, тооллогод хамрагдахыг зөвлөж байна. Үүнд:

• ААНБ-ын улсын бүртгэлийн гэрчилгээ

• Иргэний үнэмлэх

• ҮХЭХ-ийн бүртгэлийн гэрчилгээ, даатгалын гэрээ, 2012 оны жилийн эцсийн тайлан баланс

• Үл хөдлөх эд хөрөнгийн албан татвар төлөгчийн гэрчилгээ

• Үл хөдлөх эд хөрөнгийн албан татвар төлсөн баримтууд

• ҮХЭХ эзэмшигч, түрээслэгч нарын тухайд үл хөдлөх эд хөрөнгө эзэмших, түрээслэхтэй холбоотой гэрээ, бусад баримтууд

• Гадаадын иргэн, харъяалалгүй хүний хувьд аль улсын иргэн болохыг нотолсон албан ёсны баримт бичиг, паспорт, харъяалалгүй хүний үнэмлэх

• Аливаа мэргэжлийн байгууллагаас зөвшөөрөл авч үйл ажиллагаа явуулах шаардлагатай татвар төлөгчийн хувьд мэргэжлийн байгууллагаас олгосон зөвшөөрөл, дүгнэлт, стандартын тохирлын гэрчилгээ