Зеро хаусын олон талын ашиг тус

    Энэ байшинг хаана бол хаана барьж болно. Зеро хаусын бүхий л эд хэрэгслийг ачааны хоёр машинд л аччихна. Тэгээд нэг л өдрийн дотор угсрах боломжтой. Энгийн байшин барих боломжгүй газар, тэр бүү хэл гурван метр хүртэл устай газар, 35 градусын налуу газарт ч барих боломжтой.

    Байшингийн суурь нь шурган зангуу хэлбэрийнх бөгөөд газарт дөрвөн цэгээр холбогдоно. Газар ухаж суурилуулах шаардлагагүйгээс гадна газрыг ухаж, сэндийчихгүйгээс гадна байнгын зориулалттай барилга барихад тохиромжгүй бүсэд барихад нэн тохиромжтой.

     Зеро хауст засвар үйлчилгээ төдийлөн шаардагдахгүй. Байшингийн гадна хэсгийн хавтан зурагдах, хонхойх, хөгцрөх, элэгдэхээс хамгаалагдсан. Хавтангийн ган хүрээ хүртэл хөгцрөхөөс сэргийлэх түрхэцтэй. Нарны зайн болоод  халуун усны үүсгүүр, амьдрахад шаардлагатай бүхий л төхөөрөмжөөр тоноглогдсон. Энэ байшинг хэдий ч хугацаагаар эзэнгүй орхиж болно. Орхиж явахдаа эрчим хүчийг хямгадах, гэрийн цахилгаан хэрэгслийн хэвийн ажиллагааг хангах төхөөрөмжүүдийг ажиллуулж байх автомат тохиргоог хийхэд л хангалттай.

    Байшингийн ган хүрээ 225 км цагийн хурдтай хүчтэй салхийг тэсвэрлэх чадалтай. Зеро хаусын бүхий л холбоос, төхөөрөмжүүд аливаа хөдөлгөөн, хазайлтад гэмтэхгүй бөх бат. Гадна талын хавтангууд ямар ч хүчтэй борооны үед ус нэвтрэн гэмтэхгүйгээр тохируулагдсан бөгөөд даралт тэнцвэржүүлэгчтэй. Ямар ч байрлалд барьсан бай Зеро хаус хэрэглээнээсээ илүү цахилгаан эрчим хүч үйлдвэрлэх чадалтай.  Хуримтлуулсан илүүдэл цахилгааныг ямар ч төрлийн баттерей болоод хибрид мотор цэнэглэж болно.

Зеро хаус тун ч тохь тухтай

     Зеро хаус тун ч ашигтай, бас тохь тухтай. Байшингийн зочны өрөө тойрог хэлбэрийн тансаг буйдан, 42 инчийн LCD телевизтэй, бас эд зүйлээ хураах багтаамж сайтай өрөөтэй. Гал тогооны өрөөнд плитка, богино долгионы зуух, шарах шүүгээ, хөргөгч гээд хэрэгцээтэй гэр ахуйн цахилгаан хэрэгслээр тоноглох боломжтой. Хооллох өрөө л гэхэд насанд хүрсэн дөрвөн хүн хооллон суух багтаамжтай.

  Цаг агаарын нөлөөллийг ч Зеро хаусыг барихад бодолцсон. Агаар сэрүүцүүлж, дулаацуулах тохиргоотой төхөөрөмжийг унтлагын болон зочдын өрөөнд байрлуулсан. Бүх шал, дээвэр, ханануудыг тогтооход барилгын зориулалтын хөөс ашигласанаас гадна R-58 загварын дулаан хэмжигчийг суурилуулсан. Шалнаас тааз хүртэл үргэлжлэх цонхнуудад шил гурван давхар, халаагч бүхий тольтой шил суурилуулсан.

Байгалийн гаралтай хивс хивсэнцэр, цэвэр модон хана туурга гэрт тав тухыг мэдрүүлнэ.

Зеро хаус-т бүх зүйл бий

     Зеро хаус эрчим хүчээ өөрөө үйлдвэрлэдэг. Өндөр хүчин чадалтай нарны зайн хураагуур бүрэн цэнэглэгдсэн үедээ нарны гэрэл тусахгүй долоо хоносон ч байшингаа тасралтгүй цахилгаанаар хангах хүчин чадалтай.

    Зеро хаус усаа өөрөө цуглуулдаг. Борооны ус тосогч онгоцонд тогтсон газраас нэлээд дээр хэсэгт байрлуулсан 10 тоннын багтаамжтай цистерн-д хуримтлагдана. Ус дамжуулах хоолой, сантехникийн хэрэгслээр дамжин усыг очиход цахилгаан насос үүргээ гүйцэтгэнэ.

    Зеро хаус хаягдлаа өөрөө дахин боловсруулна. Бүх төрлийн органик хаягдлыг боловсруулан ариутгагчийг байшингийн доод хэсэгт суурилуулсан бөгөөд тэрхүү төхөөрөмж органик хаягдлыг цэвэр, хуурай бордоо болгон боловсруулна. Жилд хоёр удаа бордоог гарган авна.

    Энэ сууцанд байх бүхий л цахилгаан хэрэгслийг зөөврийн компьютэрээр удирдах боломжтой “Байшингийн тархи” хэмээн нэрлэсэн дохиологчийн хүчээр удирдан зохицуулна. Түүний тусламжтайгаар байшинг эзгүй орхихдоо ч бүхий л цахилгаан хэрэгсэл, бусад зүйлсээ хянаж байх болно.

Нарны зайн иж бүрдэл

    40 ширхэг өндөр хүчин чадалтай нарны зайн хугаагуур 7000 ватт цахилгаан үйлдвэрлэх чадалтай. Цахилгааны хуримтлуулагч нь хоорондоо холбоос бүхий 36 ширхэг баттерейтай. Цахилгаан ашиглах хүчдэл нь 115 вольт. Гэрэлтүүлгийг Лед гэрлээр шийдсэн бөгөөд тасралтгүй 100.000 цаг асах хүчин чадалтай.

    Цаг агаарын хяналтын системийг хоёр хэсэгт байрлуулсан. Усан хангамжийг дээд хэсэгт байрлуулсан 2.1 тонн хэмжээний дөрвөн цистернд хуримтлуулах замаар шийдсэн. Хаягдал боловсруулагч нь үнэрийг гадагш нэвтрүүлэхгүй байх системтэйгээс гадна үнэргүй, өндөр зэрэглэлийн бордоо болон хувиргаж, түүнийг нь зургаан сар тутамд авч ашиглах боломжтой.

   Байшингийн суурь шурган гадас хэлбэртэй, мэдээж маш бат бөх ган төмрөөр хийгдсэн. Мөн байшингийн бусад хэрэгсэл хөгцөрч, зэврэхээс хамгаалагдсан түрхэцтэй. Байшингийн гаднах барилгын хавтан, барилгад хэрэглэсэн хөөс, цонхны бат бөх, гурван давхар шил, гадны нөлөөнөөс хамгаалсан наалт, хүчитгэн бэхжүүлсэн гадна хаалга нь хамгийн сүүлийн үеийн технологиор хийгджээ.