Дотор интерьер болоод гадна тал нь ер бусын, өвөрмөц бас хөгжилтэй гэмээр загвартай энэхүү байшин “Moon Hoon”-ий архитекторчдын багийнхны бүтээл бөгөөд Өмнөд Солонгосын Чангбукт баригджээ. Гаднах загвараасаа эхлээд тун ч өвөрмөц бөгөөд чулуун суурьтай холбогдох орчин үеийн хана, дээврийг нь байгалийн онцлог төрхтэй төгс хослуулсан байна. Гаднаас нь харахад урьд өмнө харж байсан байшингуудаас илүү содон харагдаж байгаа биз. Хананы цаана өч төчнөөн гайхашруулах зүйлс та бүхнийг хүлээж байгаа.

     Алсаас харвал хамгийн түрүүнд урт, бас налуу, олон ирмэгтэй, хэлбэр дүрс нь өөрчлөгдсөн,  өөр өөр зүг чиг уруу харан жаазлагдсан мэт дүр төрхийг олж харах болно. Бас өрөө бүрийн цонх өөр өөр хэлбэртэйг ажиглах байх. Чамин тансаг чулуун сууринаа залгагдсан зигзаг хэлбэртэй цагаан өнгийн хана суурь болоод дээвэртэйгээ гайхалтай зохицсон бөгөөд энгэр газрыг зүсэх мэт байгуулсан гурван давхар барилгыг холоос ажиглавал агаарт хөвж буй мэт сэтгэгдлийг эрхгүй төрүүлнэ.

    Байшингийн суурь, ирмэг бүхий ханыг харвал өдөр шөнийг аргагүй санагдуулах аж. Шинэлэг цагаан өнгийн хананд суулгасан цонхнууд дотроос цацрах тааламжтай дулаан уур амьсгалыг гадагш бас цацруулна.

    Байшингийн чулуун суурьтай адил чулуугаар зассан зам байшингийн гол хаалга, мөн автомашины гарааш уруу хөтлөх болно.

    Байшингийн дотор хэсгийг харсан уран барилга сонирхогчид дуу алдахаас аргагүй. Тэгвэл бяцхан оршин суугчдын хувьд жинхэнэ тоглох талбай нь болно. Дотоод заслын нэг онцлог гэвэл шат нь хэд хэдэн үүрэгтэй. Хүүхдүүд гулгах хэсэгтэйгээс гадна дээш өгсөж, доош буух үүрэгтэй шатнаас гадна номын тавиурын үүргийг гүйцэтгэнэ. Мэдээж хамгийн сайн чанарын мод. Ямар ч насны хүүхдүүдийн хувьд хамгийн дуртай тоглоом нь гулсуур шүү дээ.

     Олон тооны цонхнуудаар байгалийн гэрэл нэвтрэн, бүгдийг нээлттэй хийсэн дотоод заслын ачаар тэрхүү гэрэл бүхий л өрөөнүүдээр жигд тархана.

      Шатны доод хэсэгт байрлах булангийн хэсгийг ажлын өрөөний зориулалтаар зассан нь хүүхдүүд гэрийн даалгавраа энд хийхэд тун ч тохиромжтой.

     Энэ хэсэг зөвхөн шат, гулсуур, номын тавиур, бас өрөө тусгаарлагчийн үүрэг гүйцэтгээд зогсохгүй  суугаад дуртай киногоо үзэж болох тухтай газар ч болчихно.

    Гэрийн ханан дахь цонх нь кино гаргах дэлгэц болон хувирах бөгөөд киногоо үзэж дуусаад буцаагаад л цонх болгочихно.

    Хотын байшингууд тоо томшгүй олон загвар, хэлбэр, хэмжээтэй байдаг хэдий ч хотын төвд ийм барилга байх нь ховор л үзэгдэл. Энэхүү өвөрмөц барилга нь алсын барааг тольдох цэлгэр цонхнуудаас гадна орчин цагийн чамин шийдлээрээ гайхуулж байгаа юм. Давхар бүр нь тусдаа “өрөө” болон хувирах хэдий ч бүхий л гэр дотроо ярилцан харилцах, гэрэл, агаар нэвтрэхэд саад болохгүй.

     Дотоод заслын орчин цагийн гүйцэтгэлд дулаан мэдрэмжийг төрүүлэх зөгийн балан өнгөт шал, тааз хэсгийн засал өнгө нэмсэн байна.

     Сайтар, төгс төгөлдөр төлөвлөсөн гал тогооны өрөөний загвар нь ч орчин үеийн гэгдэх бүгдийг шийдсэн, гэр бүлийн бүхий л хэрэгцээг хангасан гэсэн тодорхойлолттой нийцнэ.

   Энэхүү гал тогоо эцэг, эхчүүдэд хүүхдүүдээ хооллон, амрах оронд нь оруулчихаад цагийг зугаатай өнгөрүүлэх тааламжтай газар нь бас болно.

Гуравдугаар давхарт байрлах ер бусын хэлбэртэй том цонхноос гадна орчныг тольдоход хамгийн тохиромжтой юм.

     Зигзаг барилгын загвараас товчхон танилцуулахад ийм байна.Та бүхэн доорх хэсгээс уг барилгын давхруудын зураг, дотоод байршлын макет зурагтай танилцаарай.