Монгол Улсын иргэнд газар өмчлүүлэх тухай хууль 2003 онд батлагдсанаариргэд хувьдаа 0.7 га газар өмчилж авах эрхтэй болсон. Харин нийслэлийн хэмжээнд өмчлүүлэх газар нь дуусчиргэдэд хүрэлцэхгүй байгаа тухай шүүмжлэх болсон юм.  Энэ онд газар өмчлүүлэх ажил дуусах байсан ч 2018 оныг хүртэл сунгахаар болсон.

            Газар өмчлөлийн ажил удаашралтай байгаа нь иргэд мэдээллээр дутмаг, мөн суурин газар өмчлөх сонирхолтой байгаатай холбоотой гэнэ. Тэрчлэн гадаадад амьдарч буй иргэд газар өмчилж авах эрхтэй ч нөхцөл бүрдээгүй байсан юм. Тэгвэл нийслэлийн иргэдэд 52 байршилд газар өмчлүүлэхээр НИТХ-аас шийдвэрлээд байгаа. Үүнтэй холбоотойгоор газар өмчлөх хүсэлтэй эх орондоо амьдарч байгаа болон гадаадад амьдарч байгаа иргэд дээрх байршлуудад газар өмчлөх өргөдлөө явдал чирэгдэлгүйгээр өгөх нөхцөл боломжийг бий болгохын тулд онлайнаар газар өмчлөх өргөдөл хүлээн авдаг болжээ.

         Цахим хэлбэрээр өргөдөл авахын тулд Нийслэлийн өмчийн харилцааны газар,Нийслэлийн мэдээлэл технологийн газартай хамтран тусгайлсан программ хийж байгаа аж. Уг программ бэлэн болоход 52 байршлын аль нэг байрлалд газар өмчлөхөөр сонирхсон иргэд тухайн байршлаасаа дараад шууд бүртгүүлэх боломжтой болох юм.