Олон нийтийн сүлжээ сайтаар дамжуулан “Эм Си Эс проперти” компанид анхааруулга иржээ. Учир нь тус компаний барьсан Вива Сити хорооллын орон сууцны байр чанаргүйн дээр сантехникийн холболтууд буруу хийгдсэн учир олон айл усанд автах аюул нүүрлээд байгаа аж. Аргаа ядахдаа мэргэжлийн сангийн компаниар засаж янзлуулж байгаа ч эвдлүүлсэн цоорхой ханаа яахаа мэдэхээ болиод ийнхүү олон нийтэд хандаж байгаа гэнэ. Ингээд уншигчаас ирсэн анхааруулгыг хүргэе.
              Сүүлийн үед Viva City хорооллыг зэсээр хийсэн гэж хошигнох болсон олны үг ортой бололтой. Манайх “Эм-Си-Эс Проперти” ХХК-ны барилгын угсралтыг гүйцэтгэсэн 'Viva City' хороололд шинэ байр худалдан аваад ердөө 2хон сар болж байхад ус алдан Сан комфорт ОСНАА газраар ханаа эвдүүлсэн. Гэтэл ямар ч сантехникын мэдлэгтэй хүн хийсэн гэхээргүй алдаатай угсралтыг “Эм-Си-Эс Проперти” ХХК-ныхан хийсэн байна.

(зурагт улаанаар заасан хэсэг одоо засуулсан байгаа байдал)

      Энэ хэсэгт булан төмрийг байрлуулаагүй уян хоолойг нь шууд нугалсан байдалтай хийсэн байна. Эргээд эвдэлсэн ханыг маань“Эм-Си-Эс Проперти” ХХК маргааш засаж өгнө гэж хүлээлгэсээр сар хагасын нүүр үзэж байна. Ийм шугамын гэмтэлтэй айл нилээн хэд гарч ирж байна гэж Сан комфорт ОСНАА газрынхан ярьж байна. Хүнд сурталтай, хариуцлагагүй энэ компанийг зохих арга хэмжээ автал нь SHARE хийгээрэй. Хэрвээ яаралтай арга хэмжээ авахгүй бол ХЭАХ газарт хандах болохоо анхааруулж байна!