Аврагч Христийн хөшөө, Рио Де Жанейро, 1926-1931 он

      Дэлхийн хамгийн алдартай хөшөө бөгөөд Бразил улсын нэрийн хуудас нь болсон гэж хэлж болно. Байгууламжийн нийт жин нь 1000 тонн, үүнээс хөшөө нь 700 тонн ба хөшөөний өндөр нь 30 метр юм. Аврагчийн хөшөө нь Tijuca ойн үндэсний паркийн Corcovado уулын 700 метрийн өндрлөгт байрлуулжээ.

Rushmore уул, 1927-1941он

   Энэхүү уул нь АНУ-ын Өмнөд Дакота муж улсад байдаг. Уулын их биед нь алдарт америкийн дөрвөн ерөнхийлөгчийн дүрийг сийлж барьсан байна. Үүнд эхнийх нь Жорж Вашингтон, хоёрдахь нь Томас Жеферсон, гуравдахь нь Абрахам  Линколн, дөрөвдэх нь Теодоре Русвельт байдаг юм. Дөрвөн толгой бүрийн өндөр нь 18метр.

    Үндэсний дурсгалын хөшөөнүүдийг Дани улсаас гаралтай John Gutzon Borglumхэмээх барилмалчин бэлдэж байсан ч дуусгахын өмнөхөн нас барж, бүтээлээ бүрэн харах боломжгүй болсон ч ажлыг нь хүү Lincoln Borglum дуусгажээ.

Golden Gate гүүр, 1933-1937он   

     Энэхүү гүүр нь АНУ-ын хоёрт ордог хамгийн урт дүүжин гүүр бөгөөд номхон далайг Сан Францискогийн хойгоор тусгаарладаг хэсэгт барьсан байна.

     Гүүрийг 1933 оны 01сарын 5нд эхлүүлж, 1937 оны 05 сарын 27нд ашиглалтанд оруулжээ. Ашиглалтанд оруулсны дараа Генниссийн номонд бичигдэж, дэлхийн №1 урттай дүүжин гүүрторжээ. Өнөөдрийн байдлаар найман гүүр л “Golden Gate”гүүрийг уртаараа гүйцэж чадсан байна.

Empire State  Building,1929-1931 он

      New York хотын хамгийн өндөр, 102 давхар, 381 метр өндөр барилга нь New York хотын нэрийн хуудас билээ. Уг аварга барилга нь Нью Йорк Манхэтэн дүүргийн 34 тоот гудамж Тавдугаар өргөн чөлөөний өнцөгт байрласан байдаг. Нэрийн утга нь Нью Йорк мужийн хочоор Empire State гэсэн хочоор нэрлэгдсэн гэдэг.

Hoover далан, 1931-1936он

       Энэхүү далан нь асар их хүчин чадалтай усан цахилгаан станц бөгөөд АНУ-ын Аризона Невада муж улсуудын зааг дээрх Колорадо гол дээр баригджээ. 1931-1936 хороонд баригдсан ба баригдсаныхаа дараа дэлхийн №1 далан болжээ.

     1999 онд ХХ зууны хамгийн агуу 5-н байгууламжийн нэгээр тодорч, жуулчдын  анхаарлыг татаж, бэлэг тэмдэг болж чаджээ. Учир нь 30-аад онд АНУ-ын эдийн засгийн санхүүгийн хямралын үеэр баригдаж байсан ч хүний хүчийг сорьсон агуу бүтээн байгуулалтыг дэлхий нийтээрээ нүд чих салгалгүй даган ажиглаж байжээ.

Neuschwanstein цайз, Баваар, Герман улс, 1868-1884он

One Chase Manhattan Plaza, New York, 1955он

Эрх чөлөөний хөшөө, Нью Йорк хот

      Уг хөшөө нь Франц улсад 1884 оны 07-р сард бэлэн болж,1885 оны 06 сарын 17-нд “Исэрэ” усан онгоцоор Нью Йорк хотод авчирсан байна. Хөшөөг 350 ширхэг хэсэг болгон хувааж, 214 сав баглаа боодолд хийж тээвэрлэжээ. Хөшөөг дөрвөн сарын дотор угсарч босгосон гэнэ.

Бэлтгэсэн: Б.Гантулга