Монголын барилгын салбар үндэсний үйлдвэрлэгч компаниудаар хүрээгээ тэлж байна. Үүний нэг жишээ бүх төрлийн хуванцар эдлэл, бүтээгдэхүүнийг үйлдвэрлэгч “Монгол Нью Пластик” ХХК юм.

      Полипропилен шугам хоолой, холбох хэрэгсэлийг дотооддоо үйлдвэрлэн дотоодын хэрэгцээгээ хангаж, цаашлаад гадаадын улс оронд бүтээгдэхүүнээ экспортлох зорилт тавин ажиллаж байгаа “бүтээлч”  хамт олны ажлаас энэхүү сурвалжлагыг бэлтгэв.

“Монгол Нью Пластик” ХХК-ийн ерөнхий инженер Б.Энх-Амгалантай үйлдвэрийн үйл ажиллагааны талаар ярилцлаа.

“Монгол Нью пластик” үйлдвэр хэзээ байгууллагдаж, бүтээгдэхүүнээ зах зээлд нийлүүлж эхэлсэн бэ?

    “Монгол нью пластик” үйлдвэрийн суурь нь 2011 онд тавигдсан. Анх үйлдвэрээ байгуулаад зөвхөн хуванцар хоолой үйлдвэрлэж байсан. Харин 2012 онд холбох хэрэгсэл үйлдвэрлэх машиныг шинээр суурилуулж, үйлдвэрийн шат дамжлага жигдэрч хэвийн үйл ажиллагаагаа явуулж байна. Манай үйлдвэр 2012, 2013 онд үйлдвэрлэгдсэн Герман тоног төхөөрөмжөөр Герман технологоор бүтээгдэхүүнээ үйлдвэрлэж байна.

Энэ үйлдвэр байгуулагдсанаар нь барилгын компаниудад ямар боломжийг нээж өгсөн бэ?

     Манай үйлдвэр нь БНСУ-ын дэлхийд тэргүүлэх HYOSUNG фирмийн түүхий эд, ХБНГУ-ын “MOL” фермийн хамгийн сайн чанарын резинэн жийрэг хэрэглэдэг. Мөн эх орондоо үйлдвэрлэгдэж байгаа учраас үнийн хувьд харьцангуй хямд, сайн чанартайгаас гадна импортоор орж байгаа бүтээгдэхүүнийг хүлээж цаг хугацаа алдахгүй байх боломжийг бүрдүүлж өгсөн. Түүнчлэн импортоор орж ирсэн бүтээгдэхүүн тодорхой заагдсан хэмжээтэй байдаг бол бид захиалагчийн хүссэн хэмжээгээр шууд үйлдвэрээс бүтээгдэхүүнээ нийлүүлдэгээрээ ижил төрлийн импортын бүтээгдэхүүнээс ялгарах давуу тал нь болж байгаа юм.

      Энэ нь манай бүтээгдэхүүний ижил төрлийн импортын бүтээгдэхүүнээс ялгарах давуу тал нь болж байгаа юм. Бид бүтээгдэхүүнийхээ чанарыг туршиж өвөл гадаа байлгаж байгаад хүнд зүйлээр хүчтэй цохиж үзэхэд ямар нэгэн өөрчлөлт гараагүй. Тиймээс хэрэглэгчид бүтээгдэхүүний чанарт эргэлзэх хэрэггүй.

Үйлдвэр бүрэн хүчин чадлаараа ажиллахад өдөрт хэдий хэмжээний бүтээгдэхүүн үйлдвэрлэх боломжтой вэ?

        Яг хуванцар хоолойны  тал дээр бол хэвийн ажиллагаатай үедээ Ш110-ийн хуванцар хоолойг өдөрт 4000 метр,      Ш 50-ийн хуванцар хоолойг өдөрт 4500 метрийг үйлдвэрлэх боломжтой. Гэхдээ хуванцар хоолойны диаметрээсээ шалтгаалаад янз бүр байдаг. Холбох хэрэгсэлийн машины хувьд хэвний онцлогоос шалтгаалаад хоногт 5000 - 11000 ширхэг бүтээгдэхүүн үйлдвэрлэнэ.

Одоогоор үйлдвэрээс хичнээн төрлийн бүтээгдэхүүн гарч байна вэ?

     Одоогийн байдлаар хуванцар хоолойг 30см-ээс дээш урттай, харин холбох хэрэгслийн хувьд бүх төрлийн хэмжээтэйгээр үйлдвэрлэж байна. Цаашдаа бүтээгдэхүүний нэр төрлийг нэмэгдүүлэхээр шинэ тоног төхөөрөмжүүдийг оруулж ирж байгаа. 

Үйлдвэрлэлээ эхлээд удаагүй байгаа ч олон харилцагчидтай, захиалга их байх шиг байна ... 

      Одоо барилгын ажлын оргил үе учраас захиалга их байна. Манай үйлдвэрийн гол борлуулагч нь Акватерм төв. Тиймээс Акватерм төвийн харилцагч байгууллагууд “Монгол Нью пластик” үйлдвэрийн харилцагч гэж ойлгож болно.

Бүтээгдэхүүндээ хэдэн жилийн баталгаа өгдөг вэ?

     Гадны ямар нэгэн механик гэмтэл гардаггүй л юм бол хуванцар трубаны хувьд 60 жилийн баталгаа өгдөг. Хамгийн гол нь технологийн дагуу, зөв угсралт хийх хэрэгтэй.

Бүтээгдэхүүний түүхий эд

Түүхий эдийг хайлуулж, шахах машин

Хайлсан түүхий эдийг хэлбэрт оруулж бэхжүүлэх машин

Хэмжээгээр таслахад бэлэн болсон бүтээгдэхүүн

Бүтээгдэхүүн дээр он сар, бүтээгдэхүүний хэмжээг тэмдэглэх машин

Бүтээгдэхүүнийг жигд хүчээр татах машин

Бэлэн болсон хуванцар хоолойг тасдагч машин

Хуванцар хоолойн бурзан /амсар/ үйлдвэрлэх машин

Хуванцар хоолой үйлдвэрлэх шат дамжлага

Холбох хэрэгслийн машин

Үйлдвэрээс гарч байгаа бүтээгдэхүүнүүд

Бэлэн болсон бүтээгдэхүүнийг савласан байдал