Канадын зүүн өмнөд эргийн  Поорт ууланд оршдог далайн эрэг хөвөөнд шидэгдэн гарсан мэт 2 их биеээс бүрдэх байшинг архитектурын MacKay Lyons Sweettapple фирм бүтээжээ.

          Тэрхүү усан онгоц хэлбэртэй байшиннь  хос бетонон тавцан бүхий  хоёр том хэсгээс тогтсон байх ба далайн хөвөөнд тэр чигт нь  авчраад хаячихсан мэт харагддаг.  

        Далайн хөвөөн дэх хэний ч хөл тавиагүй элсэн  ширхэгийг оюу ногоон өнгийн ус шүргэн давалгаалах нь  бишрэхгүй байхын аргагүй.  Архитектурч маань энэхүү  бүтээлийн бүрдэл хэсэг нэг бүрийг  далайн эргийн гоо үзэмж, байгалийн үзэсгэлэнт төрхтэй хослуулсан нь гайхалтай.

         Бетонон хана нь байшинг ер бусын гэмээр далайн давалгаанааас хамгаалж өгөх бөгөөд хос нүдний дурангаар далай руу харж буй мэт сэтгэгдэл төрөхүйц загвараар бүтээжээ. Доод болон дээд талын тавцанг  нээхэд эргийн шугамаас давсан хөөсөрсөн давалгаа өөдөөс угтаж,  эргээс цааш төгсгөлгүй үргэлжлэх элс шаргалтана. 

       Энэхүү гэр бүлийн сууц нь унтлагыхаа  өрөөгөөр алхаж буй мэт таатай  зохион байгуулалттай.  Зочны өрөө нь нэлэнхүйдээ цагаан чимэглэлтэй бөгөөд сүрлэг цонхоор байгалийн гэрэл асгаран үерлэж байгаагаар харагддаг өвөрмөц онцлогтой.

       Байшингийн  дотоод  засал нь нүдэнд дулаахан, таатай бас таныг бие сэтгэлээрээ байгалийн өвөрмөц онцлог бүхий гадна орчинд байгаа мэт сэтгэгдэл төрүүлнэ.  Шилэн  хананы төгсгөл бүр нь далай руу харсан  тавцантай.  Түүнчлэн 2 том өрөө, 1 гал тогооны өрөөг холбосон том хүлээлгийн танхимтай.

         Энэхүү модон сууц нь урлагийн  бүтээл лугаа адил бөгөөд усан онгоцны дүрс бүхий  уран зургийн өв уламжлалыг харуулсан шийдэлтэй. Байшингийн ажлын өрөө болон сул зайнууд нь хүртэл хөгжмийн зэмсгийн төрлүүд дуугарч байхаар бүтээгдсэн. Энэ байшингийн хүний сэтгэлийг хөдөлгөсөн зүйлс нь  3 ws юм. Үүнийг орчуулбал цагаан, модон, цонх гэсэн үгс юм.