Монгол улсад барилгын салбар үүсч хөгжсөний түүхт 87 жилийн ойн баярыг тохиолдуулан “Барилга орон сууц-2013” үзэсгэлэн яармагийг 9-р сарын 6-8-ны өдрүүдэд Мишээл экспод зохион байгуулах гэж байна. Үзэсгэлэн яармагт УБ хотод баригдаж байгаа стандарт болон тансаг зэрэглэлийн 80 гаруй орон сууцнууд, Ипотекийн 8% зээл олгож байгаа арилжааны банкууд, барилгын материалын үйлдвэрлэгч, импортлогчид болон амины орон сууцны чиглэлээр үйл ажиллагаа явуулдаг 120 гаруй аж ахуйн нэгж, байгууллага оролцох юм.

     Үзэсгэлэн яармагийн зохион байгуулагчаар БХБЯ, ОССК, НЗДТГ, МБХ, МБИХ, МБМҮХ БЗМТ, БЗТЗХ, Барилга.МН зэрэг төрийн болон төрийн бус байгууллагууд оролцож байгаа бөгөөд энэхүү үйл ажиллагаа нь Засгийн газраас барилгын салбарыг дэмжиж орон сууцны эрэлт нийлүүлэлтийг тэгш хангах бодлого барьж байгаатай холбогдуулан иргэд барилгын компаниудыг холбох гүүр болж байгаагаараа давуу талтай юм.

     Үзэсгэлэн яармагийн үеэр хөрөнгө оруулагч, ханган нийлүүлэгчдэд зориулсан уулзалт, шинэ техник технологийн танилцуулга болохоос гадна зөвлөх инженер амины орон сууцтай холбоотой заавар, зөвлөмжийг иргэдэд өгөх юм. Танай оршин сууж байгаа газар хэзээ дахин төлөвлөлтөнд орох, дахин төлөвлөлтөнд ороход иргэд ямар оролцоотой байх гээд олон талын мэдээллийг иргэдэд хүргэнэ.

      Үзэсгэлэн яармагт оролцогч байгууллагууд захиалга авч байгаа орон сууцандаа хямдрал урамшууллыг зарлаж байгаа бөгөөд банкны болон ипотекийн 8%-ийн  хөнгөлөлттэй зээлэнд хамрагдах боломжтой юм. Мөн шинээр нэвтэрч дэвшилтэт технологи, барилгын материал,  сантехник, цахилгааны материалуудыг 10-20%-ийн хөнгөлөлттэй үнээр, амины орон сууцаа захиалаад 20.000$ хөнгөлөлтийг аваад дээр нь гал тогооны тавилгаа үнэгүй авах зэрэг ховорхон боломжийг та бүхэнд олгож байна.

“Барилга Орон Сууц 2013” үзэсгэлэн яармагт эрхэм таныг хүрэлцэн ирэхийг урьж байна.