Их бүтээн байгуулалтын эзэд болсон  Монголын  барилгачид Та бүхэндээ барилгын салбар үүсчхөгжсөний 87жилийн ойн баярын мэнд хүргэе. 

         Өдрөөс өдөрт өнгө, жавхаа нэмэн тэлж буй Улаанбаатар хотын их бүтээн байгуулалт, ард түмнээ орон сууцжуулах ариун үйлст хоёргүй сэтгэлээр зүтгэж яваа Монголын үе үеийн барилгачдын гавъяа, зүтгэлийг бахархан тэмдэглэхэд таатай    байна. Нийслэлийн шинэ удирдлагууд “Авилгагүй, аюулгүй шинэ Улаанбаатар” хотыг цогцлоох  ажлын хүрээнд барилгын зөвшөөрлийг нэг цонхны үйлчилгээнд шилжүүлснээр 180 гарын үсэг цуглуулж, 2-3 сар хүлээдэг байсан хүнд суртлыг халж, 3 хүний гарын үсгээр, 21-30 хоногт багтаан шийдвэрлэдэг  боллоо.

        Монголын барилгын салбарт хөдөлмөрийн аюулгүй ажиллагааг хангаагүйн улмаас хүний эрдэнэт амь эрсдэж, осол цалгаргарч байгаад хотын даргын хувьд санаа зовж, хөдөлмөрийн аюулгүй байдал, эрүүл ахуйн өнөөгийн тогтолцоонд бодитсудалгаа хийж,  урьдчилан сэргийлэх менежментийг нэвтрүүлэхнь хамгаас чухалгэдгийг онцолж байна.  Тиймээс та бүхнийхээ эрүүл, аюулгүй байдлыг хангах үүднээс  “Барилга угсралтын үйл ажиллагаанд хөдөлмөрийн аюулгүй байдал, эрүүл ахуйн шаардлага хангах асуудлыг зохицуулах нийтлэг журам” –ыг баталлаа.Одоо энэхүү журмыг мөрдөн ажиллах нь эрхэм барилгачид та бидний нэн тэргүүний зорилт болж байна.

       Бид Монгол барилгачдынхаа ур ухаан, чадварт нь итгэж байна. Тиймээс “Гэр хорооллын дахин төлөвлөлт”-ийн  их үйлсэд үндэснийхээ бүтээн байгуулагчдыг илүүтэй дэмжин ажиллах бодлого баримтлан ажиллаж байгаа юм. Та бүхэнд нийслэлийн иргэдээ орон сууцжуулах бидний зорилго шийдвэрийг дэмжин ажиллаж, иргэд, залуусынхаа хүсэл мөрөөдөлд нийцсэн, худалдан авах чадварт тохирсон орон сууцыг барьж өгөх өндөр үүрэг ногдож байгаа билээ. Тун удахгүй тохиох Барилгын салбарын 100 жилийн ойгоо бид Улаанбаатар хотынхоо гэр хорооллыг бүхэлд ньбарилгажуулсан сайхан бүтээн байгуулалтаар угтана гэдэгт итгэлтэй байна. Та бүхэндээ ажлын амжилт, сайн сайхан бүхнийг хүсэн ерөөе.

НИЙСЛЭЛИЙН ЗАСАГ ДАРГА БӨГӨӨД

УЛААНБААТАР ХОТЫН ЗАХИРАГЧ Э.БАТ-ҮҮЛ