Монголын барилгын салбарт “цаасан байшин” буюу байгальд ээлтэй бас нэгэн дэвшилтэт технологи нэвтрэх боломжтой боллоо. ХБНГУын “BionicInnovations”компани, “Мон-Евро”компани хамтранэнэхүү бүтээгдэхүүнийг монголд нэвтрүүлэхээр ажиллаж байна.

      Уг бүтээгдэхүүннь ХБНГУ-д зохион бүтээгдсэн ч үйлдвэр нь Щвейцарь улсад байрладаг учраас “SWISS Cell”хэмээн нэрлэжээ. “SWISS Cell”-ийн дотор тал буюу зөгийн үүр нь тодорхой хэмжээний хүдрийн найрлагаар хатуужуулж өгсөн цаас бөгөөд гадна талыг нано бетоноор бүрж, “6 талт зөгийн үүр”-ний зарчмаар хийгдсэн. Бүтээгдэхүүний 90% нь хоосон орон зай 10% нь материал юм. Маш энгийн, хөнгөн харагдаж байгаа боловч барилгын салбарт дэвшил авчрах чухал бүтээгдэхүүн юм.

Бүтээгдэхүүн үйлдвэрлэх шат дамжлага

      “SWISS Cell”-ийг барилгын салбарт нэвтрүүлсэнээр ган баганыг ашиглахгүйгээр барилгыг маш хурдан хугацаанд барих боломжтой. Дулаан алдагдалдлыг бууруулах, дуу тусгаарлах зориулалтаар хэрэглэхээс гадна хүйтнийг тэсвэрлэх чанар нь маш сайн. Мөн ус нэвтрүүлэхгүй галд шатахгүй учраас “swill cell”-ийг ашиглан барьсан барилгын чанарт эргэлзэх хэрэггүй юм.

      Даацын болон даацын бус ханыг хийх боломжтой. Байгальд ээлтэй гэдгийг тодорхойлох нэг зүйл нь бүтээгдэхүүнийг үйлдвэрлэхэд маш бага цемент хэрэглэдэг ба дахин боловсруулах боломжтой.

   Одоогийн байдлаар “SWISS Cell”-ийг ашиглан 8 давхар барилга барих зөвшөөрөлтэй байгаа боловч цаашдаа 20 хүртэлх давхар барилгад ашиглах боломжтой юм.

Энэхүү бүтээгдэхүүн нь маш хөнгөн чанартай учраас онгоц, амины орон сууц, хувцасны шкаф хүртэл хийж болдог.

Бүтээгдэхүүний талаарх мэдээллийг “Мон-Евро” ХХК, 99051602 утсаар лавлах боломжтой.