Нийслэлийн Засаг дарга бөгөөд Улаанбаатар хотын Захирагч Э.Бат-Үүл Холбооны Бүгд Найрамдах Герман улсын Элчин сайдын Яамны дэд тэргүүн Буркхард Дюкофр болон албаны бусад төлөөлөгчдийг хүлээн авч уулзлаа.

     Уулзалтаар Улаанбаатар хот Герман улстай өмнө нь хэрэгжүүлж байсан төсөл, хөтөлбөрүүдээ цаашид хамтран үргэлжлүүлэх хүсэлтэй байгааилэрхийлсэн юм.

    Тухайлбал угсармал орон сууц дулаалах тал дээр хамтран ажиллах сонирхолтой байгаагаа хэллээ. Улаанбаатар хотод 400 гаруй барилга дулааны алдагдалтай гэсэн судалгаа байдаг. Угсармал орон сууцны гадна талд дулаан гадагшлуулдаггүй хөөсөнцөр хавтан нааж дулаалдаг ба үр дүнд нь 30 хувийн цахилгаан хэмнэдэг гэсэн тооцоо байдаг. Тэгэхээр угсармал сууцыг дулаалснаар цахилгаан эрчим хүч хэмнээд зогсохгүй Улаанбаатар хот хэмнэлтийн соёлд суралцах чухал алхам болох юмбайна. Мөн хэмнэсэн эрчим хүчээ гэр хорооллын дахин төлөвлөлтөд зарцуулах боломж бүрдэх гэнэ.

    Уулзалтын төгсгөлд дэд тэргүүн Буркхард Дюкофрхотын даргын хэлж буй төсөл хөтөлбөрүүдэд үргэлжлүүлэн хамтран ажиллах болно гэлээ.

Тун удахгүй ХБНГУ-ын туршлагаас суралцан орон сууцнуудыг дулаалж, эрчим хүчээ хэмнэх боломж олдох нээ.