Нийслэл хотынхны гэр бүлээрээ чөлөөт цагаа өнгөрөөх дуртай газруудын нэг нь яах аргагүй “Үндэсний цэцэрлэгт хүрээлэн”болжээ. Өнгөрсөн оны 6 сард эхний ээлжийн нээлтээ хийснээс хойш өнөөг хүртэл улам бүр өнгө үзэмжээ нэмсээр. Өчигдөр л гэхэд  4 төрлийн хөдөлгөөн, 3 төрлийн гэрлэн чимэглэл, автомат тохиргоотой 17ам метр талбай бүхий хэмжээтэй газрын усан оргилуурыг нээлээ.

         Усан оргилуурыг БНХАУ-ын Эрээн хотын Засгийн ордны 100 хувийн хөрөнгө оруулалтаар хийж гүйцэтгэсэн бөгөөд цэцэрлэгт хүрээлэнд өнгө үзэмж нэмэхээс гадна агаарын чийгшилтийг нэмэгдүүлэх ач холбогдолтой ажээ. “Үндэсний цэцэрлэгт хүрээлэн”-ийн нийт талбай 300 га газрыг хамрах бөгөөд одоогийн байдлаар30 гагазрыг4 тэрбум төгрөгийн хөрөнгө оруулалтаар тохижуулаад байна.

       Энд “Чонын элч”-ийн хөшөө, Хос дэглий зэргийг үзэж сонирхон “Солонгын цэцэрлэг”, усан оргилуурын дэргэд  гэр бүл, найз нөхдөөрөө ая тухтай амарч хөгжилдөх орчныг цогцоор нь бүрдүүлэхийг зорьжээ. Мөн хүүхэд багачуудад зориулсан тоглоомын талбай, түргэн хоолны газар ч бий. Машины хөдөлгөөнөөс айж эмээх зүйлгүйгээр дураараа дугуй унах боломжийг “Үндэсний цэцэрлэгт хүрээлэн” олгож байна.

       Цаашид 2,6 км дугуйн замын гэрэлтүүлэг, явган хүн, гүйлт, цанын 2,4 км хосолсон замыг гэрэлтүүлгийн хамт хийж гүйцэтгэхээр төлөвлөжээ.Түүнчлэн 300 автомашины зогсоолын бүтээн байгуулалтын ажил дуусаж, иргэд автомашинаа аюулгүй, зориулалтын талбайд байрлуулж, амарч зугаалах боломж бүрдэх гэнэ.  

Үндэсний цэцэрлэгт хүрээлэнгийн зураг төсөл

Чонын элчийн хөшөө

Хүүхдийн тоглоомын талбай

 Амарч буй гэр бүл

Усан оргилуур

Газрын усан оргилуур