Нийслэлийн Засаг дарга бөгөөд Улаанбаатар хотын захирагч Э.Бат-Үүл нийслэлийн иргэдтэй  уулзаж, газрын харилцаа, хот төлөвлөлтийн чиглэлээр нийслэлээс  авч хэрэгжүүлж буй арга хэмжээний талаар нээлттэй хэлэлцлээ.

Уулзалтанд  нийслэлийн Засаг даргын Хот байгуулалт хөрөнгө оруулалтын асуудал хариуцсан орлогч С.Очирбат болон нийслэлийн Ерөнхий төлөвлөгөөний газар, нийслэлийн Өмчийн харилцааны газар, нийслэлийн Мэргэжлийн хяналтын газрын дарга, холбогдох албан тушаалтнууд  оролцож иргэдэд гэр бүлийн хэрэгцээний зориулалтаар газар өмчлүүлэхээр НИТХ-аас баталсан 52 байршлын талаар болон нийслэлийн нутаг дэвсгэрт  шинээр барилга барих зөвшөөрөл олгох журам,газар өмчлөх, эзэмших, барилга барих зөвшөөрөлтэй  холбоотой мэдээллийг танилцуулж, иргэдийн сонирхсон асуултанд хариулт өглөө.

            Нийслэлийн Засаг дарга бөгөөд Улаанбаатар хотын захирагч Э.Бат-Үүл уулзалтыг нээжхэлсэн үгэндээ: ”Төрийн үйлчилгээг цэвэр тунгалаг, ил тод,  чирэгдэлгүй болгох зорилгоор Нийслэлийн удирдлагаас газар, барилга тойрсон хүнд суртал, авлигыг халж аливаа асуудлыг иргэдийн оролцоотой шийдвэрлэдэг шинэ тогтолцоо руу орж байна. Өмнө нь хөрөнгө мөнгөтэй, эрх мэдэлтэй хүмүүс хотын хаана ч хамаагүй хүссэн хэсэгтээ газар эзэмшиж, барилга барьдаг байсан бол бид үүнийг өөрчилж, иргэдэд газраа эзэмших, өмчлөх эрхийг тэгш олгохоор шийдвэрлэсэн. Тиймээс иргэндээ гэр бүлийн зориулалтаар өмчлүүлэх газрын байршил, хэмжээг тогтоож нээлттэй мэдээлсэн. Мөн барилгын ажил эхлүүлэх, үргэлжлүүлэхзөвшөөрлийг нэг цонхны үйлчилгээгээр олгодог болж энэхүү ажлыг нэг цэгт төвлөрүүлснээр  3 хүний гарын үсгээр, 14-21 хоногт багтаан шийдвэрлэдэг болсон. Гэхдээ барилга барих зөвшөөрлийг олгохдоо тухайн байршлын оршин суугч иргэдээс заавал зөвшөөрөл авахаар журамласан юм. Харин одоо би иргэд  та бүхнээсээ идэвхи санаачлагатай, хариуцлагатай байгаасай гэж хүсэж байна. Хэнээс ч зөвшөөрөл авалгүйгээр үерийн далан дээр барилга барьдаг, өндөр хүчдэлийн доор гэрээ барьдаг, хэний ч зөвшөөрөлгүйгээр дахин төлөвлөж, иргэддээ өмчүүлэх болсон газарт хашаа хатгаж дураараа аашилж байгаа нөхдүүдтэй бид эвлэрч чадахгүй гэдгээ хариуцлагатайгаар мэдэгдэж байна”  гэсэн юм.

          Монгол улсын иргэнд гэр бүлийн хэрэгцээний зориулалтаар газар өмчлүүлэх ажлыг 2018 он хүртэл зохион байгуулахаар болсон. НИТХ-аас баталсан тогтоолын дагуу Багануур,Баянзүрх, Багахангай Хан-уул, Сонгинохайрхан, Сүхбаатар, Налайх дүүргийннийт 52 байршилд 15 309 га газрыг гэр бүлийн зориулалтаар иргэдэд өмчлүүлэхээр тогтоогоод байна.

    Дээрх байршлуудад хэсэгчилсэн ерөнхий төлөвлөгөө боловсруулж эхэлсэн бөгөөд  инженерийн дэд бүтэц, нийгмийн үйлчилгээ, ногоон байгууламж зам, барилгабайгууламжийг цогцоор нь төлөвлөж, 2014 оноос иргэдэд өмчлүүлж эхлэх юм.Эдгээр  шинэ суурьшлын бүсэд иргэд зөвшөөрөлгүй суурьшвал “Газрын тухай хууль”-д  заасны дагуу хариуцлага тооцож, тухайн газрыгчөлөөлөхарга хэмжээг авах гэнэ.  Мөн сургууль, цэцэрлэгийн эзэмшил газарт барилга барьдаг асуудлыг таслан зогсоох зорилгоор төрийн өмчийн сургууль, цэцэрлэгийн газруудынтооллого, бүртгэл хийж хамгаалалтанд авснаас гадна хүүхдийн тоглоомын талбай, ногоон байгууламж, инженерийн шугам сүлжээ, нийтийн эзэмшлийн зам талбайд газар эзэмших эрх олгосон нийслэл, дүүргийн Засаг дарга нарын захирамжийг хүчингүй болгоод байгаа гэлээ.

Ийнхүү Нийслэлийн удирдлагууд танилцуулга мэдээлэл хийсний дараагаар иргэдийн дунд нээлттэй асуулт, хэлэлцүүлэг өрнөсөн. Ингээд газар өмчлөлийн талаар иргэдийн сонирхсон асуултанд албаныхан хэрхэн хариулсныг хүргэе.

Баянгол дүүргийн иргэн н.Сүрэнжав: - Манай дүүрэгт гэр бүлийн хэрэгцээний зориулалтаар өмчилж авах газрын нөөц дууссан гэсэн. Би оршин сууж байгаа дүүргээсээ өөр дүүрэгт газар өмчилж авах боломжтой юу?

-        Та нийслэлийн нутаг дэвсгэрт зохих журмын дагуу суудаг, бүртгэлтэй бол аль ч  дүүрэгт газар өмчилж авах эрхтэй. Нийслэлийн аль ч дүүргийн Газрын албанд гэр бүлийн зориулалтаар газар үнэгүй өмчлөх хүсэлтээ гаргаж болно.

Хан-Уул дүүргийн иргэн: - Би өмчилж авсан хашааны газраа барьцаанд тавих гэтэл банк улсын бүртгэлд бүртгүүл гэсэн шаардлага тавьсан. Одоо яах ёстой вэ?

-        Иргэд өмчилсөн газраа бусдад худалдах, барьцаалах зэргээр гүйлгээнд оруулах тохиолдолд эд хөрөнгийн эрхийн бүртгэлд заавал бүртгүүлж, гэрчилгээгээ авсан байх ёстой. Засаг даргын шийдвэрээр иргэнд өмчлүүлсэн газрыг үл хөдлөх хөрөнгийн эрхийн улсын бүртгэлд бүртгүүлснээр таны газар өмчлөх эрх албан ёсоор үүснэ. Иймээс та өмчийн газраа эд хөрөнгийн эрхийн бүртгэлд бүртгүүлж байж  газраа бусдад худалдах, барьцаалах зэрэг эрхээ эдлэх боломжтой болох юм.

Хан-Уул дүүргийн иргэн: - Кадастрын зургийг хаана хийлгэх вэ?

-        Нийслэлийн дүүрэг бүрт кадастрын зураг хийдэг аж ахуйн нэгжүүд бий. Нийслэлийн хэмжээнд кадастрын зураг хийдэг 100 гаруй мэргэжлийн байгууллага байдаг. Иргэд эдгээр компаниудаас өөрөө сонгоод аль дуртай газраараа кадастрын зураглал хийлгэж болно. Ингэхдээ тусгай зөвшөөрөлтэй мэргэжлийн байгууллагуудад хандан кадастрын зургаа хийлгээд, дүүргийн газрын албадад газар өмчлөх хүсэлтээ хүргүүлнэ.