Засгийн газрын "Бүтээн байгуулалтын цаг" ээлжит хуралдаан болж өнгөрлөө.Тус хуралдаанд Ерөнхий сайд Н.Алтахуяг, Барилга, хот байгуулалтын сайд Ц.Баярсайхан, холбогдох албаны хүмүүс оролцож, барилгын салбарт хийгдэж буйбүтээн байгуулалтын ажлын явцын талаар мэдээлэл өглөө.  

          Засгийн газраас баталсан 8 хувийн хүүтэй орон сууцны зээлийн хөтөлбөр хэрэгжээд 2 сар орчмын хугацаа өнгөрч байна. Энэ хугацаанд 16122 иргэн8 хувийн хүүтэй зээл рүү шилжиж, 8129 иргэн 463.1 тэрбум төгрөгийн орон сууцны ипотекийн зээл шинээр авчээ. Яамнаас гаргасан тооцоогоор энэ онд 14.000 айлын орон сууц шинээр ашиглалтад орох бөгөөд энэ нь өмнөх жилүүдтэй харьцуулахад тооны хувьд өссөн үзүүлэлттэй байгаа юм. Тухайлбал, 2010 онд 9800, 2011 онд 11000, 2012 онд 11400 айлын орон сууц ашиглалтад орж байсан аж.

           Барилга, хот байгуулалтын сайдЦ.Баярсайхан хэлэхдээ: “Сүүлийн саруудад гадаадын иргэд орон сууц ихээр худалдан авдаг боллоо, мөн ченжүүд ашиглалтад орж байгаа орон сууцыг олноор авч үнэ хөөрөгдөж байна гэх гомдол нэлээд гарах болсон. Үүнтэй холбогдуулж Үл хөдлөх хөрөнгийн бүртгэлийн газраас мэдээлэл авахад нийт орон сууцны 96 хувь нь Монгол Улсын иргэний нэр дээр бүртгэлтэй байгаа бол 2.6 хувь нь аж ахуйн нэгж дээр бүртгэлтэйбайна. Харин орон сууцны үнэ өсөжбайна гэх асуудлын тухайд ам.долларын ханш буурахаар үнэбуурах болов уу гэсэн хүлээлттэй сууж байна”гэсэн юм.

        Түүнчлэн Засгийн газраас иргэдийг хямд үнэтэй орон сууцаар хангахын тулд зарим барилгын компанитай гэрээ байгуулан ажиллаж, дэд бүтцийг нь шийдэж өгсөн. Энэ ажлын хүрээнд Нисэхэд хямд өртөгтэй орон сууц барих ажил энэ хавар эхэлсэн ньхурдацтай  явж байгаабөгөөд  100 айл, Баянзүрх дүүрэгт тус бүр орон сууцны хороолол баригдаж эхэлсэн. Эдгээр орон сууцнууд ашиглалтанд орж зах зээлд нийлүүлэгдэхээр орон сууцны үнэ буурна гэж мэдэгдлээ.