Дэлхийн улс оронд чанараараа танигдаж, өргөн хэрэглэгдэх болсон дулаалгын будаг монголын барилгын салбарт нэвтэрлээ. Будаг түрхсэн биетийг нугалж, хэлбэрийг нь өөрчлөхөд будаг хагарах, ховхрох гэх мэт өөрчлөлт ордоггүй. Энэ бол Thermoshield будаг.

     Thermoshield будаг нь Ази, Америк, Африкийн зах зээлд түлхүү нэвтэрсэн бөгөөд анх сансрын технологид суурьлан бүтээгджээ. Учир нь сансрын хөлгийн гадаргууг Thermoshield будгаар буддаг байна. Энэ нь маш өндөр температурыг тэсвэрлэх чадвартайг нь баталж байгаа юм. Физик шинж чанартай учраас хүний арьс шиг уян хатан, зөөлөн бүтэцтэй.

Будгийн бүтцийг зориулалтын багажаар харахад ус мэт маш нарийн ширхэгтэй керамик /шаазан/ бөмбөлөгүүдтэй.

     Энэхүү будаг нь олон давуу талтай. Хэт ягаан туяаны хамгаалалттай учир байгалийн нөлөөлөлд тэсвэртэйгээс гадна галын аюулаас таны эд хөрөнгө, гэр бүлийг 100 хувь хамгаалж чадах гэнэ. Thermoshield будаг нь дулааныг өөртөө шингээгээд буцаагаад ялгаруулдаг. Мөн хананд хуримтлагдсан дулааныг маш удаан хадгалж чаддаг нь 40 гаруй эрдэмтэдийн судалгаа, шинжилгээгээр батлагдсан аж. Thermoshield будаг нь чийгшилт, хөгц мөөгөнцөрөөс 100% хамгаалдаг. Түүнчлэн дээвэрт ус тусгаарлагч материал, хар цаас хэрэглэхгүй шууд будаж болно. Харин дээвэр нь бага зэргийн налуу байх хэрэгтэй гэнэ.

Дэлхийд алдартай Дубайн барилга, чийгшил ихтэй уур амьсгалтай Сингапур гээд олон оронд хэрэглэдэг байна.

     Дулаалгын будгийг хуванцар гадаргуун дээр хэрэглэж болохгүй ч суурь будаг түрхсэний дараа хэрэглэх ба +5°С-д будах боломжтой юм байна.

      Дотор засал, гадна нүүр тал /фасад/, дээвэр гээд зориулалтаасаа хамаараад нэр төрөл олонтой гэнэ. 1 литр будгаар 3м² талбайг будах юм. Мөн монгол гэрийн бүрээсэнд ашиглах боломжийн талаар судалж байгаа гэнэ.