Шал нь өнөө үедөнгө, материалаасаа шалтгаалан олон нэр төрлийн сонголттой болсон. Энэ нь тухайн хэрэглэгч өөрийн тавилга, гэрийн обой, хөшигний өнгө гээд өөрийн хүссэн зүйлтэйгээ зохицуулах боломжийг бий болгожээ. Чулуун болон модон байгалийн материалуудаас эхлээд нийлэг материалууд болох винил, пластик болон PVC материалууд хүртэл.

      Эдгээр олон материалтай шалнуудаас винил буюу хулдаасан материалын хувьд олон давуу талыг өөртөө агуулдаг. Өдгөө хэрэглэгчдийн нилээдгүй хэсэг нь энэхүү шалыг сонгох болжээ. PVC шалыг барууны орнуудад спорт цогцолбор, цэнгэлдэх хүрээлэн болон эмнэлэг, сургууль зэрэг томоохон байгууламжуудаас эхлээд барилга байшингийн угаалгын өрөө, гал тогоо зэрэгт   голлон ашиглаж байна.

      Винил болон пластикаар хийгдсэн, мөн арай хатуу PVC материалаар хийгдсэн шалны төрлүүд нь хүссэн янзаараа өөрчлөх өргөн боломжийг хэрэглэгчид олгох аж. Мөн түүний хажуугаар энэ нь цэвэрхэн бөгөөд өнгөлөг, дизайны хувьд илүү сэтгэгдэл төрүүлэх ба үнийн хувьд ч харьцангуй боломжийн байх давуу талыг өгдөг. Хулдаасан болон пластик, PVCшалны хувьд маш олон төрлийн өнгө болон хээ, дүрсний сонголттой байдаг. Таны сонголтоос хамааран таны гэрийн бүхий л дизайнд тохируулан хийж болох ба өөр өөр өнгийн PVC хулдаасан шалыг хамтад нь ашиглаж хийсэн ч болно.

Винил(хулдаасан)болон PVC, пластик шалны ашигтай талууд

     Хулдаасан болон пластик шалнууд яагаад ийм түгээмэл болов? Яагаад гэдгийг дараах шалтгаануудаар тайлбарлая:

• Хамгийн гол шалтгаан бол PVC, пластик болон хулдаасан шалыг суулгахад санхүүгийн хувьд бусдаас хямд өртөгтэй.
• Пластик болон хулдаасан шал суулгах нь санхүүгийн хувьд хямд өртөгтэйгөөс гадна үйл ажиллагааны хувьд хүнд хүчир зүйл бага юм.
• Хулдаасан болон пластик шалнууд нь удаан эдэлгээтэй ба хэдий хүнд нөхцөлд ч эдэлгээ даах чадвар сайн байдаг. Мөн алхахад маш зөөлхөн бөгөөд хүндийн хүчийг өөртөө шингээдэг. (Модон болон паркетан шалан дээр явахад ямар байдаг билээ?)
• Ус чийг нэвтрүүлэхгүй чанараараа бусад ямар ч шалны материалыг урдаа гаргахгүй.
• Таньд бусад төрлийн материалуудын нэгэн хэвийн баригдмал цөөхөн сонголтуудаас илүү таны төсөөлөмгүй тийм л олон төрлийн сонголтыг энэхүү материалын шалнууд олгоно.
• Суулгахад болон солиход хялбар учир солихыг хүссэн үедээ нэг их хүндрэлгүйгээр хурдан хугацаанд сольж болно.

Винил(хулдаасан)болон PVC, пластик шалыг хэрхэн арчлах вэ?

• Тоос соруулагчаар тоос шороог нь цэвэрлэж болно.
• Та ямар нэг шингэн зүйлийг шалан дээрээ асгах юм уу гоожуулсан нөхцөлд та сандрах хэрэггүй зүгээр л чийгтэй порлоноор аль болох хурдхан цэвэрлэхэд л хангалттай. Мөн таны винил, хулдаасан шал өнгөө алдсан бол ийм төрлийн материалд зориулсан тусгай өнгөлөгч хэрэглэж дахин шинэ мэт өнгөлөг болгож болдог.

• Хулдаасан болон пластик винил шалыг цэвэрлэхдээ ширүүн арзгар зүйлээр үрж болохгүй. Өөрөөр хэлбэл та ингэснээрээ ямар нэг нүх гарган улмаар тэнд элдэв хог шороо тоос бөөгнөрөх эх үндсийг тавина гэсэн үг юм.

• Ийм төрлийн шалыг цэвэрлэхдээ хөөсрүүлэгч, гялалзуулагч бодис бүхий угаалгын нунтаг хэрэглэж болохгүй. Энэ нь тухайн төрлийн шалны өнгийг бүдгэрүүлж хурдан хуучрах гол хүчин зүйл болдог.

Винил(хулдаасан)болон PVC, пластик шал

суулгахын ач холбогдол

      Пластик болон хулдаасан шал суулгах нь өөрөө мөнгө цаг хугацааг хэмнэх шилдэг арга юм. Шал суулгах хугацаа нь үйл ажиллагааны нэн чухал хэсэг байдаг. Хэдий жижиг талбай бүхий шал байсан ч.  Гар багаж нь гараар хийх үйл ажиллагаатай харьцуулахад илэрхий давуу талтай.Төхөөрөмжийг ашиглах үед тухайн ажлын хийх хугацааг 70%-аар багасгаж чаддаг байна.

Пластик, винил болон хулдаасан төрлийн шалыг хэрхэн суулгах вэ?

Пластик болон хулдаасан шалыг наахад 4-н үндсэн алхам байдаг.

     Эхнийх нь, залгаас хэсгүүдийг зорох тусгай төхөөрөмжөөр цэвэрхэн хөндлөн зорж бэлдэнэ. Наалтын зай нь тухайн зорсон нүхийг бөглөх буюу наалт хийх төхөөрөмжийн хэмжээтэй яв цав тохирдог.Тухайн 2 хэсгийг наасны дараа ямар ч зай завсаргүй яг л нэг биет мэт болдог. Наалтын хэсгээс дээш илүү гарсан үзүүр бүхий хэсэг нь 2 мм орчим цухуйсан байдаг тул тухайн хэсгийг гар өөлөгч эсвэл тусгай хутгаар авдаг.

     Энэхүү үйл ажиллагаа нь дараагийн наалт явагдахад наалт хийгдсэн хэсгийг гэмтэхээс сэргийлэх мөн тухайн наалт хийсэн хайлцыг ховилоос татагдаж гэмтэхээс сэргийлэх давуу талыг олгодог.Эцэст нь илүү гарсан өө бүхий наалттай хэсгийн өөг тусгай хутгаар тэгшилж авдаг.Мөн пластик, винил болон хулдаасан төрлийн шалыг суулгахдаа зориулалтын автомат болон гар аргын багажнуудыг ашиглах боломжтой. Илүү дэлгэрэнгүй мэдээллийг 88100596, 99059635утсаар авах боломжтой юм.