Барилгын салбарын их бүтээн байгуулалтын ажлын хүрээнд Хөдөлмөрийн аюулгүй байдал, эрүүл ахуйн 4 дэх хөтөлбөртэй уялдуулан Барилгын салбарын үйлдвэрлэлийн ослоос урьдчилан сэргийлэх зорилготой Хөдөлмөрийн аюулгүй байдал, эрүүл ахуйн “Цэнхэр карт”-ыг барилгын салбарт нэвтрүүлэх сургалтыг Барилга, хот байгуулалтын сайд, Хөдөлмөрийн сайд, Хүн амын хөгжил нийгмийн хамгааллын сайд нарын тушаалаар 2013 онд 52/а/50/а/26/ тоотоор батласан.

      Энэхүү ажлын хүрээнд “Барилгын талбайн инженерт зориулсан хөдөлмөрийн аюулгүй байдал, эрүүл ахуйн” чадавхижуулах сургалтыг 8удаа зохион байгуулан тус сургалтад нийт 213 барилга угсралтын талбайд ажил гүйцэтгэх инженер техникийн ажилтанг хамруулан чадавхижуулав.

      “Хөдөлмөрийн аюулгүй байдал, эрүүл ахуйн ажилтан, зааварлагч, дунд шатны удирдагч"нарын сургалтыг дөрөвдүгээр сарын байдлаар 5 удаа зохион байгуулан салбарт нийт 162, Хөдөлмөрийн аюулгүй байдал, эрүүл ахуйн ажилтан бэлтгэсэн байна.

       2013-оны 05 дугаар сарын 6-нд  Архангай  аймагт, 2013 оны 05 дугаар сарын 16-наас 2013 оны 05 дугаар сарын 20-ны  Дорнод аймагт ХАБЭА-н сургалт зохион байгууллаа. Орон нутагт болж буй гурав дахь удаагийн сургалтад тус аймгийн 30 инженер, Дорнод аймгийн 10 ажил олгогч эзэд,Архангай аймгийн 25 ажил олгогч эзэд оролцлоо.

     Барилгын салбарын ослын тоо 2013 оны байдлаарөмнөх жилийн тоон үзүүлэлттэй харьцуулахадбуурсан байна. Тухайлбал, Хөдөлмөрийн аюулгүй байдал, хангаагүйн улмаас энэ онд барилгын 14осол гарч, 9хүн нас барсан бол өнгөрсөн оны мөн үед одоогийнхоос хоёр дахин их буюу 36 осол гарч, 18 хүн амиа алджээ.Ослын шалтгаануудыг авч үзвэл өндөрөөс 60%, лифтны нүхрүү 20%, цахилгаанд цохиулсан 10% бусад осол 10%байна.