Нийслэлийн Ерөнхий төлөвлөгөөний газрын дарга, Улаанбаатар хотын Ерөнхий архитектор Н.Нацагдорж, газрын зөвшөөрөлтэй ч барилгын ажил эхлүүлэх зөвшөөрөлгүй мөн улсын комисс хүлээж аваагүй барилгын тухай удирдлагын зөвлөлийн гишүүдэд мэдээлсэн. НИТХ-ын тогтоол болон, Засаг даргын 2012 оны А 557 дугаар захирамжийн хүрээнд нийслэлийн нутаг дэвсгэрт баригдаж байгаа зөвшөөрлийн зөрчилтэй болон, зөвшөөрөлгүй барилгуудад шалгалт хийх ажлын хэсэг байгуулагдаж,  ажлын хэсгийн шалгалтаар зөрчилтэй болон, огт зөвшөөрөлгүй нийтдээ 93 барилга байгаа  нь тогтоогдсон байна. Үүнээс 52 барилгын зөрчлийн асуудлаар мэдээлэх бөгөөд энэ удаагийн хуралдаанаар  43 барилгыг  Ерөнхий архитектор танилцуулсан. Тэрбээр зөвшөөрлийн зөрчилтэй 41 барилга нь батлагдсан зураг төсөлгүй, техникийн нөхцөлгүй, дулаан, цэвэр бохир усны техникийн нөхцөлгүй, магадлалын ерөнхий дүгнэлт байхгүй зэрэг барилгын зөвшөөрлийн зөрчил дутагдалтай байсан. Харин “Авзага трейд”, “Тэмүүлэнбаатар” компаниудын орон сууцны барилгууд нь газар эзэмших, барилга барих ямар ч зөвшөөрөлгүй барилгын ажлыг эхлүүлсэн дээрх барилгуудыг татан буулгаж, газрыг төр мэдэлдээ буцаан авах ёстой гэж үзэн, энэ асуудлыг зохих хуулийн дагуу  зохион байгуулахыг холбогдох албаныханд үүрэг болгосон юм.
Ингээд зөрчилтэй барилгуудын байршлыг цувралаар танилцуулж байна.

Эх сурвалж: Шууд.мн