Улсын Их Хурлын 2013 оны хаврын чуулганы хэлэлцэх асуудлын дараалалд орсон Газрын тухай, Газрын төлбөрийн тухай, Газрын кадастрын тухай хуулиудын шинэчилсэн найруулгын төсөл, Геодези зураг зүйн тухай хуульд нэмэлт, өөрчлөлт оруулах тухай хуулийн төсөл болон тэдгээрийг дагалдах хуулийн төслүүд, Монгол улсын иргэнд газар өмчлүүлэх тухай хуулийн шинэчилсэн найруулгын төслийн талаар санал авч байгаа ажээ.

    Иргэд эдгээр хуулийн төсөлтэй холбогдсон саналаа Байгаль орчин, хүнс, хөдөө аж ахуйн байнгын хороонд бичгээр болон 264405, 260933, 266343 тоот утсаар өгч болно /гар утаснаас залгахад өмнө нь 51-тэй/.  
 
    Мөн дээрх хуулийн төслүүдийн талаарх хэлэлцүүлгийг 2013 оны  гуравдугаар сарын  4, 20 болон дөрөвдүгээр сарын 2-ны өдрүүдэд зохион байгуулах тул иргэд энэхүү хэлэлцүүлэгт оролцох хүсэлтээ дээрх утсанд өгч болох юм байна.
    Хуулийн төслүүдийг www.parliament.mn цахим хуудасны “Хууль эрх зүй” цэсний “Өргөн барьсан төслүүд” хэсэгт байрлуулсан байгаа тул сонирхсон хүмүүс танилцаж болох ажээ.
Эх сурвалж http://www.info.mn