Барилгын компаниудад олгох зээл шийдэгдлээ
БХБ-ын сайд Ц.Баярсайхан өнгөрсөн ням гарагт “Барилга экспо 2013” үзэсгэлэнгээр зочилж барилгын компаниудтай уулзахдаа орон сууцны нийлүүлэлтийг дэмжих зээлийн асуудлыг удахгүй шийдвэрлэхээ амласан.
Харин өчигдөр барилгын компаниудад өгөх 300 тэрбум төгрөгийн хөнгөлөлттэй зээлийн эх үүсвэрийг Төв банкнаас бүх арилжааны банкуудад байршуулсан талаар албаны эх сурвалж мэдээлэв. Зээлийн нөхцөл нь жилийн долоон хувийн хүүтэй, 18 сарын хугацаатай байх аж. Харин хөдөө орон нутаг, алслагдсан дүүрэгт барилга барих компаниудын хувьд илүү хөнгөлөлтэй нөхцөлөөр буюу жилийн 5.5 хувийн хүүтэй зээл олгох гэнэ.
Арилжааны банкууд нь эх үүсвэрийг гурван сарын дотор зөвхөн шинээр барих болон баригдаж дуусаагүй орон сууцны барилгуудад зээл хэлбэрээр олгох бөгөөд тухайн банк энэ үүргээ хэрэгжүүлээгүй тохиолдолд ашиглаагүй санхүүгийн эх үүсвэрийн үлдэгдэлд Төв банкнаас 13.5 хувийн хүү тооцож, ашиглаагүй эх үүсвэрийг хүүгийн төлбөрийн хамт эргүүлэн татах юм байна.
Ийнхүү санхүүжилт шаардлагатай байгаа барилгын компаниуд энэхүү зээлд хамрагдахын тулд арилжааны банкинд хандан бүрдүүлэх баримтаа лавлан, зээл авах боломжтой эсэхээ тодорхойлуулах л үлдлээ.
Арилжааны банкууд нь эх үүсвэрийг гурван сарын дотор зөвхөн шинээр барих болон баригдаж дуусаагүй орон сууцны барилгуудад зээл хэлбэрээр олгох бөгөөд тухайн банк энэ үүргээ хэрэгжүүлээгүй тохиолдолд ашиглаагүй санхүүгийн эх үүсвэрийн үлдэгдэлд Төв банкнаас 13.5 хувийн хүү тооцож, ашиглаагүй эх үүсвэрийг хүүгийн төлбөрийн хамт эргүүлэн татах юм байна.
Ийнхүү санхүүжилт шаардлагатай байгаа барилгын компаниуд энэхүү зээлд хамрагдахын тулд арилжааны банкинд хандан бүрдүүлэх баримтаа лавлан, зээл авах боломжтой эсэхээ тодорхойлуулах л үлдлээ.