Өчигдөр болж өнгөрсөн Барилга-Бүтээн байгуулалт-Хөгжил сэдэвт хэлэлцүүлэг дээр барилгын салбарын гол ачааг нуруун дээр үүрч явдаг барилга угсралтын компаниуд салбарын сайдад хандаж санал хүсэлтээ нээлттэй илэрхийлсэн. Зөвшөөрөлгүй баригдсан гэх 91 барилгыг НИТХ-аас тогтоосон бөгөөд эдгээрээс 43 барилгыг нийтэд танилцуулсан. Эдгээр зөрчилтэй барилгуудад “өршөөл” үзүүлж зөрчлөө арилгавал барилгын ажлыг нь  үргэлжлүүлэх зөвшөөрөл олгохоор болсон.
Харин салбарын сайд энэ талаар: “Барилга барьж байгаа нөхдийг харлуулж тэр чигээр нь буруутгах аргагүй юм. Төрийн байгууллагын хүнд суртал, шат дамжлага их учраас тэд барилга барихаар олон газраас зөвшөөрөл, гарын үсэг хүсдэг. Барилгын ажил 4-11 дүгээр сард өрнөдөг. Барилгын салбарт нойтон технологи их тул өвөл ажил хийх боломжгүй. Тиймээс   бид   эхний ээлжид барилгын ажлыг улирлын    хамаарлаас гаргана. Ингэхийн тулд барилгын материалын үйлдвэрлэлийг дэмжихээ дээр хэлсэн. Барилгын гүйцэтгэгчид хийх хөрөнгө оруулалт их байх ёстой. Хөрөнгө оруулалт тодорхой бусаас болж компаниуд мэргэжлийн ажилтантай болж чаддаггүй. Техник, технологио шинэчлэх гэж зориглодоггүй.   Нэг   барилга бариад л дараа жил нь ажил олдох уу, үгүй юу гэдэг урсгал явсаар барилгын ажидд муугаар нөлөөлөх болж.  Дээр нь албаны хүн суртлыг давж, элдэв бичиг баримт хөөцөддсөөр цагаа алддаг. Өнгөрсөн жил дураараа барьсан барилга олон байна. Судлаад узэхээр УИХ-ын сонгууль орон нутгийнхтай хамт явснаар зөвшөөрөл олгодог, хуралддаг байгууллагын дарга нар сонгуульдаад олдоогүй. Дулааны улирлаа алдахгүйн тулд барилгын компанийн эзэд ажлаа эхлуулчихсэн тал бий. Зарим нь илт хууль зөрчсөн ч юм бий. Тиймээс зөвшөөрөлгүй барилгын асуудлыг заагтай, ялгаатай авч үзэх хэрэгтэй.” гэсэн юм.