Улаанбаатар хотын утааг багасгах зорилгоор Мянганы сорилтын сангийн “Цэвэр агаар” төслөөс гэр хорооллын иргэдэд эрчим хүчний хэмнэлттэй амины орон сууцыг санал болгож байгаа.

Байгаль орчинд ээлтэй, утаагүй цэвэр орчинг бүрдүүлэхээс гадна 50-иас дээш жил ашиглах, чанарын шаардлага хангасан стандартын барилгын материалаар баригдсан, 7-8 баллын газар хөдлөлтийг тэсвэрлэхээс гадна түлшинд хэмнэлттэй гээд олон давуу талтай.

 

     Энэхүү амины орон сууцнууд нь 35-65м² талбайтай сууцнуудаас захиалах юмуу худалдан авсан тохиолдолд цэвэр агаар төслөөс 5,000,000 хөнгөлөлт авах боломжийг иргэддээ олгож байна. Мөн МУ-ын Засгийн газраас тухайн айлд цахилгааны хөнгөлөлтийг давхар үзүүлэх юм.

Эрчим хүчний хэмнэлттэй орон сууцыг авах хүсэлтэй иргэд нь Улаанбаатар хотын агаарын бохирдлыг бууруулах бүсэд амьдардаг, өөрийн эзэмшлийн газартай, тухайн хаяган дээрээ байнгын оршин суудаг байхад хангалттай юм.

 

      Эрчим хүчний хэмнэлттэй орон сууцны захиалгыг 5-р сарын 1-нийг хүртэл авах ба одоогоор 100 гаран айл ийм сууцтай болжээ.

 

      Төслийн сууцны талаарх дэлгэрэнгүй мэдээллийг НҮБ-ын Эрчим хүчний хэмнэлтийн төслийн 320422 утсаар авах боломжтой. Харин долоо хоног бүрийн Пүрэв гаригт амины орон сууцны талаарх дэлгэрэнгүй мэдээллийг өгөх юм байна.