Аймгуудын газрын харилцаа, барилга, хот байгуулалтын удирдах ажилтны зөвлөгөөн хоёр дахь өдрөө амжилттай зохион байгуулагдаж өндөрлөлөө. Зөвлөгөөний төгсгөлд аймгийн удирдах ажилтнуудтай БХБЯ-ны төрийн нарийн бичгийн дарга Р.Эрдэнэбүрэн, ГХГЗЗГ-ын дарга А.Хүрэлшагай, Барилгын хөгжлийн төвийн дарга Б.Баярсайхан нар 2013 оны төлөвлөгөөг нь баталж, гэрээнд гарын үсэг зурлаа.

     Энэхүү гэрээнд салбарын хэмжээнд зайлшгүй хэрэгжүүлэх хөтөлбөр, арга хэмжээ, зорилтууд болон бусад эрх үүргүүд тусгагдсан байна. Тодруулбал, аймгуудын газрын харилцаа, барилга, хот байгуулалтын албаны үйл ажиллагааг оновчтой төлөвлөж хэрэгжүүлэх, ажлын байрны шаардлагад нийцүүлж мэдлэг чадвараа дээшлүүлэх, сонирхлын зөрчилгүй ажиллах гэх мэт тухайн жилд гүйцэтгэх үүрэг, хүлээх хариуцлагыг тодорхойлж өгчээ.