Монголын барилгын ассоциаци Японы Хоккайдогийн барилгын ассоциаци, Барилгын технологийн төв гурван талт хамтын ажиллагааны санамж бичигт гарын үсэг зурж, хамтран ажиллаж байна.

Өнгөрөгч хугацаанд гурван талын удирдлагууд харилцан айлчлал хийж, талуудын үйл ажиллагаатай газар дээр нь биечлэн танилцаж, МБҮА-ийн гишүүн дөрвөн компаниас тус бүр 1 инженер Хоккайдогийн барилгын технологийн төвд очиж барилга угсралтын ажлын удирдлага, зохион байгуулалт, ялангуяа өвлийн улиралд бетон цутгах ажлын технологийг газар дээр нь судлаад ирсэн.

 

     Харин энэ сарын 4-6 ний өдрүүдэд Хоккайдогийн барилгын технологийн төвийн үйл ажиллагаа хариуцсан дарга Накамура Масахико, орон нутгийг дэмжих хэлтсийн төлөвлөлтийн хэсгийн дарга Оомура Казуши, “Ивата Чизаки” компанийн гадаад ажиллагааны хэлтсийн ерөнхий менежерийн орлогч Тору Татеяама нар Монголд ирж МБҮА –ийн төлөөлөлүүдтэй цаашдын хамтын ажиллагааны чиглэлээр санал солилцоод буцжээ.

 

 

1.      Японы барилгын салбарын хөдөлмөрийн аюулгүй ажиллагааны арга, зохион байгуулалтыг       МБҮА-ийн хот хөдөөгийн нэг компанийн тодорхой томоохон объект дээр иж бүрэн нэвтрүүлж, барилгын бусад компаниудад сурталчилах ажлыг зохион байгуулах

2.      Японы барилгын салбарт хэрэглэгдэж байгаа бага оврын багаж, хэрэгсэл, тоног төхөөрөмжийн байнгын үзэсгэлэн худалдааг монголд зохион байгуулах

3.      Японы сургагч багш нарыг МБҮА-ийн гишүүн компаниудад ажиллуулж, барилга угсралтын ажлын зохион байгуулалт, технологийг харилцан судалж, суралцах