Энэтхэг улсын Мумбай хотод баригдаж байгаа нэгэн гайхалтай цогцолборыг сонирхоно уу. Үзэсгэлэнтэй Aquaria Grande цамхагийн барилгын ажил  одоо гүйцэтгэлийн шатандаа явж байгаа бөгөөд стандарт хэв маягаас татгалзаж өвөрмөц архитектурын шийдлийг агуулсан орчин үеийн хамгийн тансаг амрах хүрээлэн болон сүндэрлэх юм. Төсөл дуусахад дэлхийн хамгийн үзэсгэлэнтэй архитектурын бүтээлд тооцогдоно гэдэгт цогцолборын ажлыг гүйцэтгэж байгаа Вадха групп итгэлтэй байна.
              37 давхар хоёр цамхагаас бүрдэх энэхүү цогцолбор нь дотроо усан бассейн, ресторан, амралтын  өрөө, массажны газар, ногоон цэцэрлэг, машины зогсоол зэргийг багтаасан байх ба дээд давхруудын шилэн тагтан дээр усан сан байрлуулсан нь амрагч жуулчид усанд сэлж алжаалаа тайлах зуур Мумбай хотын үзэмжийг дээрээс тольдон харах гайхалтай боломжийг олгох аж.