Барилгын ажил эхлүүлэх, үргэлжлүүлэх зөвшөөрлийг өмнө нь Мэргэжлийн хяналтын байгууллага олгож байсан бөгөөд маш их цаг зардаг, 60-110 хүртэл гарын үсэг цуглуулдаг, барьсан барилгыг ашиглалтанд өгөх гэж дорж хаяж хоёр жилийн хугацаа зарцуулж байсан.  

     Харин одооноос “Барилгын ажлыг эхлүүлж, үргэлжлүүлэх эдгээр асуудлууд нийслэл, аймгууд дээр төвлөрч, газрын зөвшөөрөл, кадастр, барилгын эскиз, архитектурын даалгавар, техникийн нөхцөл зэргийг 30-35 хоногийн дотор нэг цонхны үйлчилгээгээр  өгдөг болно.

      Мөн барилгаа гурав ангилах бөгөөд 17 давхраас дээш өндөртэй барилгын зөвшөөрлийг Барилга хот байгуулалтын яам өгнө.  17 давхар хүртэлх барилгын зөвшөөрлийг Нийслэл, аймаг шууд олгоно. Харин хувь хүний хоёр давхар хүртэлх барилгыг ямар нэгэн зөвшөөрөл авахгүйгээр захиалагч өөрөө шийдэж, архитектурын тооцоотой хийсэн зургаар сонголтоо хийж барих юм байна.

     Тэгэхээр барилгын ажлыг эхлүүлэх, үргэлжлүүлэх зөвшөөрлүүд  үндсэндээ 40-45 хоногийн хугацаанд олгогдохоор болж байгааг Барилга, хот байгуулалтын сайд Ц.Баярсайхан мэдээллээ.

Мөн барилга, хот байгуулалтын хуулиудад өөрчлөлтүүд хийж байгаа. Тусгай зөвшөөрлийн асуудал бүртгэлийн системд шилжинэ.  Зураг төслийн байгууллага, материал үйлдвэрлэгчдийн тусгай зөвшөөрлүүд өөр хэв маягтай болно. Зураг төсөлд заавал экспертиз хийх шардлагагүй болно.