Барилга, хот байгуулалтын яам Солонгос дахь Монголчуудыг дэмжих “Далайн салхи” нийгэмлэгтэй хамтын ажиллагааны гэрээ байгууллаа.

“Далайн салхи” нийгэмлэгийн дэргэдэх Олон улсын мэргэжлийн хөгжлийн институт нь барилга, хот байгуулалт, газрын харилцаа, нийтийн аж ахуйн салбарт хамтарч ажиллах юм.

Ингэхдээ яам, харьяа газрын албан хаагчдыг мэргэшүүлэх, чадваржуулах сургалтанд хамруулна.  БНСУ-д барилгын салбарт ажиллаж байгаа монгол иргэдийг эх орондоо эргэн ирэхэд нь  барилгын салбарт ажиллуулах, мэргэжлийн түвшин тогтоож, зэрэг олгуулахад нь туслалцаа үзүүлэх юм.  Хамтын ажиллагааны хүрээнд  яам, агентлаг, байгуулагуудыг БНСУ-ын ижил төстэй байгууллагуудтай хамтарч ажиллах чиглэлээр холбож өгөх зэргээр ажиллахаар боллоо.

Хамтын ажиллагааны гэрээнд Барилга, хот байгуулалтын яамны Төрийн нарийн бичгийн дарга Р.Эрдэнэбүрэн Солонгос дахь Монголчуудыг дэмжих “Далайн салхи” нийгэмлэгийн тэргүүн Б. Батгэрэл нар гарын үсэг зурлаа.