Оны эхэнд Төсвийн ерөнхийлөн захирагч төсвийн шууд захирагч нартай гэрээ байгуулдаг журмын дагуу Барилга, хот байгуулалтын сайд Ц.Баярсайхан  Барилга, хот байгуулалтын яамны Төрийн нарийн бичгийн дарга Р.Эрдэнэбүрэн, Газрын харилцаа, геодези зураг зүйн газар, Барилгын хөгжлийн төв,  Хот байгуулалт, зураг төслийн институтийн удирдлагуудтай үр дүнгийн гэрээнд гарын үсэг зурлаа.

Барилга, хот байгуулалтын сайд Ц.Баярсайхан үр дүнгийн гэрээнд гарын үсэг зурсны дараа хэлсэн үгэндээ: Шинэчлэлийн Засгийн газар өмнөө олон томоохон зорилт тавьсан.  Засгийн газар байгуулагдснаас хойш  сараар 5 дахь, жилээр 2 дахь жилдээ орж ажиллаж байна.  Энэ 2013 он салбартаа олон тодорхой ажлуудыг амжуулсан, үр бүтээлтэй ажиллах шаардлагатай он байх болно. Төсвийн хуулиа чанд сахисан, хээл хахууль авилгаас ангид, төсвийн өмнө хүлээсэн үүргээ нэр төртэй биелүүлэх учиртайг Барилга, хот байгуулалтын сайд Ц.Баярсайхан  төсвийн шууд захирагч нарт анхаарууллаа.

Төсвийн нэг төгрөг ч зориулалтын дагуу зарцуулагдах ёстой.  Энэ шаардлагыг ялангуяа төсвийн ерөнхийлөн захирагчийн хувьд хатуу тавих болно гэсэн юм.  Салбарын өмнө тавигдсан шинэчлэлийн  зорилгод бүхий л  ур чадвар, мэдлэг боловсролоо зориулахыг салбарын хамт олноосоо хүслээ.