Газрын харилцаа, геодези, зураг зүйн газар өөрийн фэйсбүүк хуудсаараа дамжуулан иргэдийн асуултанд хариулт өгдөг билээ.

Энэ удаа иргэн Д.Цолбаяраас "1-р хорооллын хойд талын зам дагуу гараашуудыг буулгаж газрыг нь илүү бүтээн байгуулалтанд ашиглавал яасан юм бэ?" гэсэн асуултанд хариулжээ.
Газрын харилцаа, геодези, зураг зүйн газар:

-Нийслэлийн 2013 оны газар зохион байгуулалтын тухайн жилийн төлөвлөгөөний 2,13-т "Орон сууцны хороолол доторх төмөр болон тоосгон гаражуудыг цэгцлэн газар ашиглалтыг сайжруулж, орчны тохижилт бүхий нэгдсэн гарааш хотын төвийн төвийн хэсэгт авто зогсоол байгуулых ажлыг оршин суугчид болон гараж, авто зогсоол ашиглагч иргэн, аж ахуйн нэгж, байгууллагын оролцоо, дэмжлэгтэйгээр зохион байгуулах"-аар төлөвлөсөн байна.

Мөн Улаанбаатар хотыг 2020 он хүртэл хөгжүүлэх ерөнхий төлөвлөгөөний тодотголд 1-р хорооллын арын гараж болон гэр хорооллыг ногоон байгууламж бүхий орон сууцны хороолол болгон хөгжүүлэхээр төлөвлөсөн байна гэжээ.

Жич: Та бүхэн тус фэйсбүүк хуудастай танилцахыг хүсвэл ЭНД дарна уу.

М.Жаргал /gogo.mn/